पोखरा — पोखरामा पौडी खेल्ने क्रममा नहरले बगाएर मंगलबार ११ वर्षीया बालिका बेपत्ता भएकी छन् । सोलुखुम्बु घर भइ हाल पोखरा–२६ बुढिबजार बस्दै आएकी दीपशिखा भुजेल नहरमा बेपत्ता भएकी हुन् ।
बिहान पौडी खेल्दै गर्दा नहरले चप्पल बगाएपछि खोज्ने क्रममा उनलाई पनि बगाएको प्रहरीले जनाएको छ । प्रहरीले दिनभर खोजी कार्य जारी राखे पनि फेला पार्न सकेन । बुधबार बिहानबाट पुन: खोजी कार्य सुरु हुने डाँडाको प्रहरी चौकीले जनाएको छ ।