प्रभावकारी बन्दै संकट व्यवस्थापन केन्द्र- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

प्रभावकारी बन्दै संकट व्यवस्थापन केन्द्र

निषेधाज्ञाका कारण धेरैमा मानसिक तनाव
सम्झना रसाइली

तनहुँ — एक किशोरीलाई उपचारका लागि असार १४ मा दमौली अस्पतालस्थित एकद्वार संकट व्यवस्थापन केन्द्रमा ल्याइयो । १८ वर्षकी उनी श्रीमान्‌बाट पीडित भई आत्महत्या गर्ने अवस्थामा पुगेपछि प्रहरीले उद्धार गरी केन्द्रमा ल्याएको थियो ।

मानसिक तनावबाट गुज्रिएकी उनी आत्महत्यासम्म गर्ने अवस्थामा पुगेकी केन्द्रकी फोकल पर्सन हममाया पुनले बताइन् । ‘विवाहको २ वर्षपछि श्रीमान्को माया, हेरचाह नपाएका कारण तनावमा रहिछन्,’ पुनले भनिन्, ‘पीडा सुनिदिने कोही नभएपछि डिप्रेसनमा गई आत्महत्या गर्ने स्थितिमा पुगेकी रहिछन् ।’

यसैगरी, असार ६ मा ५ वर्षीया बालिकालाई उनकै १५ वर्षीय धर्मदाइले यौनजन्य दुर्व्यवहार गरेपछि पीडितलाई प्रहरीले केन्द्रमा पठायो । गत वर्षको असार २० सम्म प्रहरीमार्फत ४५, आफैं ५, आफन्तबाट २९, संघसंस्थाबाट ३ गरी ८२ जनाले केन्द्रबाट सेवा लिएका छन् । जसमा ७२ महिला र १० पुरुष छन् । उनीहरूमा २१ जना १४ वर्षसम्मका, १३ जना १५–१८ वर्षका, ४२ जना १९–४९ वर्षका, १ जना ५०–६० वर्षका र ५ जना ६० वर्षमाथि उमेर समूहका रहेको केन्द्रले जनाएको छ ।

‘१४ वर्ष मुनि र १९ देखि ४९ वर्ष उमेर समूहका बढि उपचार तथा परामर्शका लागि आएको देखिन्छ,’ उनले भनिन्, ‘कोरोना संक्रमण रोकथामका लागि गरिएको निषेधाज्ञाका कारण मानिस आफ्नो दैनिक क्रियाकलापबाट अलग भई घरमै बस्नुपरेका कारण धेरैमा मानसिक तनाव उत्पन्न भएको देखिन्छ । कतिपय घरमै बस्दा हिंसाजन्य क्रियाकलापबाट पीडित बनेको पाइएको छ ।’

हिंसापीडित महिला, पुरुष तथा बालबालिकालाई उपलब्ध गराएको निःशुल्क मनोसामाजिक परामर्श तथा उपचार सेवा प्रभावकारी रहेको अस्पतालका मेडिकल सुपरिन्टेन्डेन्ट सुनिल पौड्यालले बताए । उनले भने, ‘सेवाग्राहीलाई उनीहरूको अवस्था हेरेर एक हजार ५ सयदेखि ८ हजार रुपैयाँसम्म यातायात खर्च पनि व्यवस्थापन गराउने गरेका छौं ।’

केन्द्रले आर्थिक वर्ष २०७७/७८ मा ८८ हजार रुपैयाँ सेवाग्राहीलाई उपचार खर्च उपलब्ध गराएको थियो । केन्द्रबाट आर्थिक वर्ष २०७५/७६ मा ७१, २०७६/७७ मा ४९ जनाले सेवा लिएका थिए । ‘प्रत्येक वर्ष हिंसामा पर्नेको संख्या बढेको देखिन्छ’, पुनले भनिन्, ‘समाजमा यस्ता हिंसा पहिलेदेखि नै रहेको र पछिल्लो समय उपचार हुन्छ भन्ने सचेतना फैलिन थालेपछि पीडित स्वयं उपचारको दायरामा आउनुहुन्छ ।’

प्रकाशित : श्रावण ३, २०७८ १०:१२
प्रतिक्रिया
पठाउनुहोस्

प्रधानमन्त्री शेरबहादुर देउवाले आजै विश्‍वासको मत लिने

कान्तिपुर संवाददाता

काठमाडौँ — प्रधानमन्त्री शेरबहादुर देउवाले आजै विश्वासको मत लिने भएका छन् । संसद् सचिवालय स्रोतका अनुसार आइतबारको बैठकमा प्रधानमन्त्री देउवाले विश्वासको मत लिने कार्यसूची पनि राखिएको छ । 

सर्वोच्च अदालतको आदेशबाट दोस्रो पटक पुनःस्थापना भएपछि प्रतिनिधिसभाको आठौं अधिवेशन आइतबार ४ बजेदेखि सुरु हुँदै छ ।

करिब साढे तीन वर्ष सत्ता चलाएको एमाले सरकारबाट बहिर्गमनपछि प्रमुख प्रतिपक्षको हैसियतमा रहनेछ । सत्तामा कांग्रेस र माओवादी केन्द्र छन् ।

आइतबार बिहान बसेको कार्यव्यवस्था परामर्श समितिको बैठकले विश्वासको मतको प्रस्ताव संसद्मा निर्णयार्थ प्रस्तुत गर्ने निर्णय गरिसकेको छ । कानुन, न्याय तथा संसदीय मामिला मन्त्री ज्ञानेन्द्रबहादुर कार्कीले विश्‍वासको मत लिने सम्बन्धीको प्रस्ताव परामर्श समितिको बैठकमा लगेका थिए । कांग्रेस सचेतक पुष्पा भुसालले सरकारले ल्याएको प्रस्तावअनुसार नै कार्यव्यवस्था समितिले निर्णय गरेको जानकारी दिइन् ।

विघटनविरुद्धको रिटमा सर्वोच्चले असार २८ गते प्रतिनिधिसभा पुनःस्थापना गरेर कांग्रेस सभापति शेरबहादुर देउवालाई प्रधानमन्त्री बनाउन र साताभित्र बैठक बोलाउन परमादेश जारी गरेको थियो । आदेशपछि करिब दुई तिहाइ बहुमत सांसदको समर्थनमा प्रधानमन्त्री बनेका एमाले अध्यक्ष केपी शर्मा ओली सत्ताबाट बाहिरिएका छन् ।

चालु अधिवेशनमै ३० दिनभित्र विश्वासको मत लिनुपर्ने भए पनि प्रधानमन्त्री देउवाले संसद्को पहिलो बैठकमै विश्‍वासको मत लिने तयारी गरेका हुन् ।

विश्वासको मत लिन देउवालाई १ सय ३६ मत आवश्यक पर्छ । प्रतिनिधिसभामा कांग्रेसको ६१, माओवादी केन्द्रको ४८ (सभामुख बाहेक), एमालेको १२१ (माधव नेपाल पक्ष–२३ ), जसपा ३२ (उपेन्द्र यादव पक्ष–१९) तथा जनमोर्चा, नेमकिपा र राप्रपाको एक–एक मत छ ।


प्रकाशित : श्रावण ३, २०७८ १०:०९
पूरा पढ्नुहोस्
प्रतिक्रिया
पठाउनुहोस्
×