पूर्वीनवलपरासीमा १४ हजारले लगाए खोप
पूर्वी नवलपरासी — जिल्लामा शनिबारसम्म १४ हजार जनाले कोरोना विरुद्धको खोप लगाएका छन् । आठ वटा पालिमामध्ये ५ वटामा स्थानीयले १४ हजार १ सय ७७ जनाले खोप लगाएका हुन् । अन्य तीन पालिकामा आइतबारबाट खोप लगाउने तालिका सार्वजनिक भएको छ ।
जिल्ला स्वास्थ्य कार्यालयका प्रमुख केशब चापागाईंका अनुसार गैंडाकोट नगरपालिकामा ३७ सय ७६ जना, देबचुली नगरपालिकामा ३५ सय ८० जना, कावासोती नगरपालिकामा ३७ सय ६० जनाले र बिनयी त्रिवेणी गाउँपालिकामा १९ सय जनाले भेरोसेल खोप लगाएका हुन् ।
ती बाहेकका बुलिंटार गाउँपालिका, हुप्सेकोट गाउँपालिका र बौदीकाली गाउँपालिकाका बासिन्दालाई आइतबार खोप दिने कार्यक्रम तय भएको स्वास्थ्य कार्यालयका प्रमुख चापागाईंले जानकारी दिए । पूर्वी नवलपरासीमा करिब ४ लाख जनसंख्या रहेको छ । पछिल्लो ३ महिनाको अवधिमा कोरोना संक्रमणबाट सय जनाको ज्यान गएको स्वास्थ्य कार्यालयले जनाएको छ ।
