म्याग्दे खोलाले बगाउँदा एक जना बेपत्ता- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

म्याग्दे खोलाले बगाउँदा एक जना बेपत्ता

सम्झना रसाइली

तनहुँ — म्याग्दे गाउँपालिकास्थित म्याग्दे खोलाले बगाउँदा एक जना बेपत्ता भएका छन् ।

म्याग्दे–४ घुम्तीस्थित खोलाको पुल तर्ने क्रममा खोलामा पानीको बहाव बढी भएर पुलमाथिबाट आएको बाढीले म्याग्दे–७ का अन्दाजी ४५ वर्षीय मैतबहादुर नेपालीलाई बगाएको तनहुँ प्रहरी नायब उपरीक्षक युवराज तिमिल्सिनाले बताए ।

खोलाले बगाइ बेपत्ता भएका नेपालीको खोजी भइरहेको प्रहरीले जनाएको छ ।

प्रकाशित : असार २४, २०७८ १५:२२
प्रतिक्रिया
पठाउनुहोस्

तनहुँमा पहिरोमा पुरिएर एक जनाको मृत्यु

सम्झना रसाइली

तनहुँ — जिल्लाको रिसिङ गाउँपालिका-७, दधिवनमा बिहीबार बिहान आएको पहिरोमा पुरिएर एक महिलाको मृत्यु  भएको छ । मृत्यु हुनेमा करिब ५० वर्षीया देवीसरा थापा रहेको वडासदस्य नीरबहादुर थापाले  बताए ।

उनले भने, 'घरबाट भाग्ने क्रममा माथिबाट खसेको पहिरोले पुरिएर उनको मृत्यु भएको हो । उनका श्रीमान् भने भागेर ज्यान बचाउन सफल भए ।'

पानी परिरहेकाले शव निकाल्न नसकिएको वडा कार्यालयले जनाएको छ । पहिरोले दधिवनमा ३ घर क्षतिग्रस्त भएका छन् । अन्य थुप्रै घर जोखिममा रहेको वडा कार्यालयले जनाएको छ ।

प्रकाशित : असार २४, २०७८ १२:५०
पूरा पढ्नुहोस्
प्रतिक्रिया
पठाउनुहोस्
×