पोखरा — कांग्रेस नेता रामजी कुँवरको सोमबार काठमाडौंमा निधन भएको छ । ट्रेड युनियन कांग्रेसका वरिष्ठ उपाध्यक्ष कुँवरको शिक्षण अस्पताल महाराजगञ्जमा उपचारका क्रममा निधन भएको हो ।
कोरोना संक्रमणका कारण उनी गत महिनादेखि काठमाडौंमा उपचार गराइरहेका थिए । कोभिड निको भए पनि स्वास्थ्यमा भने सुधार भएको थिएन ।
पोखरा लेकसाइडका कुँवर गत स्थानीय चुनावमा पोखरा महानगरपालिकामा प्रमुखको प्रत्यासी थिए ।