डाइभर्सन बनाएर एकतर्फी यातायात सञ्चालन गर्दा नवलपरासीमा जाम
पूर्वी नवलपरासी — पूर्व पश्चिम राजमार्ग अन्तर्गत कावासोती गैंडाकोट खण्डको भेडाबारी डाइभर्सनमा एकतर्फ यातायात सञ्चालन हुँदा नवलपरासीमा जाम भएको छ ।
राजमार्ग फराकिलो बनाउनका निर्माण गरिएको २३ स्मृति पुल र भेडाबारीमा डाइभर्सन बनाएर एकतर्फी सवारी सुचारु गर्दा जाम भएको जिल्ला ट्राफिक प्रहरी कार्यालयका प्रहरी नायब निरीक्षक प्रेम श्रेष्ठले जानकारी दिए ।
सवारीको चाप धेरै भएकाले बिहान ११ बजेदेखि जाम भएको उनले बताए । सडकमा मालबहाक सवारीको संख्या अधिक छ ।
भारतीय माबहाक सवारी र पश्चिम नेपालबाट संघीय राजधानी काठमाडौं हिँडेका सवारीको चाप बढेकाले करिब १६ किलोमिटरसम्म जाम रहेको ट्राफिक प्रहरी कार्यालयले जनाएको छ ।
प्रकाशित : असार १९, २०७८ १६:३७प्रतिक्रिया
