पूर्वी नवलपरासीमा बन्दै गरेको पक्की पुल बाढीले बगायो

बौदीकाली गाउँपालिकाको वडा नम्बर १ र २ जोड्ने सेरा पुल बुधबार दिउँसो बाढीले बगाएको प्रमुख प्रशासकीय अधिकृत प्रदीपचन्द्र सुवेदीले जानकारी दिए । उनका अनुसार पुल निर्माणमा गण्डकी प्रदेश सरकारबाट विनियोजित ३ करोड ५० लाख लागत रहेको छ ।

पुलको स्लाब (माथिल्लो भाग) ढलानको काम हुँदै गर्दा पुल बगाएको हो । अर्को महिना गाडी सञ्चालन गर्ने लक्ष्यसहित निर्माण भइरहेको पुल बगाएको प्रमुख प्रशासकीय अधिकृत सुवेदीले बताए ।

बाढीले दुबै पिल्लर हल्लाएर भासिएपछि पुलको माथिल्लो भाग (स्लाब) खोलामा खसेको हो ।