धौलागिरि अस्पतालमा ३ जना कोरोना संक्रमितको मृत्यु

जटिल अवस्था भएपछि अस्पताल आएका उनीहरुको उपचारको क्रममा मृत्यु भएको मेडिकल सुपरिटेण्डेन्ट डा. शैलेन्द्र पोखरेलले बताए । मृत्यु हुनेमा ढोरपाटन नगरपालिका–९ का ७७ वर्षीय पुरुष छन् ।

त्यस्तै, गलकोट नगरपालिका–४ का ५२ वर्षीय पुरुष र गलकोट घर भइ बागलुङ नगरपालिका–४ बस्ने ५७ वर्षीय पुरुषको पनि बिहीबार बिहान मृत्यु भएको हो ।

उनीहरु सबैको श्वासप्रश्वास सम्बन्धी समस्या थियो । ढोरपाटनका पुरुष सातादेखि अस्पतालमा उपचाररत थिए । अन्य दुई जना तीन दिनदेखि मात्रै उपचारमा आएका बिरामी हुन् । बागलुङमा अहिलेसम्म कोरोना संक्रमणबाट २० जनाको मृत्यु भइसकेको छ ।