बगुवामा दस हल गोरुको घम्साघम्सी- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

बगुवामा दस हल गोरुको घम्साघम्सी

गोरु जुधाई
हरिराम उप्रेती

गोरखा — माघे संक्रान्तिको अवसर पारेर भिमसेन थापा गाउँपालिका–५ बगुवामा दस हल गोरु जुधाइएको छ ।

गोरखाको भिमसेन थापा गाउँपालिका–५ बगुवामा गोरु जुधाइँदै । तस्बिर सौजन्य : रविन सिम्खडा

हराउँदै गएको परम्परालाई जीवन्त राख्दै यहाँका युवाहरुले गोरु जुधाउने प्रचलनलाई निरन्तरता दिइएका हुन् । बिहीबार दिनभर दस हल गोरुको घम्साघम्सी हेर्न यहाँ स्थानीयको भीड लागेको थियो । गोरु जुधाउन यहाँका स्थानीयले आफ्नै नियम बसाले । दुई मिनेटभन्दा माथि जुधेर विजेता हुनेलाई पाँच हजार र उपविजेतालाई तीन हजार पुरस्कारको व्यवस्था गरेको स्थानीय रविन सिम्खडाले बताए ।

४४ मिनेट ३७ सेकेन्ड जुधेर स्थानीय किसान प्रदिप गुरुङको गोरु उत्कृष्ट भयो । गुरुङको गोरु र प्रदिप परियारको गोरुबीच प्रतिस्पर्धा गराइएको थियो । लोकबहादुर बराम र राजेश सेन्चुरीको गोरुबीच ३० मिनेट ११ सेकेन्ड घम्साघम्सी भएको सिम्खडाले बताए । ‘१० जोडी गोरु जुधाइएको हो, दुई मिनेटभन्दा कम जुध्ने गोरुलाई सान्त्वना स्वरुप दुई हजार पुरस्कारको व्यवस्था गरिएको थियो, दुई मिनेटभन्दा वढी जुध्ने विजेता र उपविजेतालाई पाँच हजार र तीन हजार पुरस्कारको व्यवस्था गरिएको छ,’ उनले भने । दुई मिनेटभन्दा कम जुध्ने चार गोरुलाई सान्त्वना स्वरुप दुई हजार नगद पुरस्कारको व्यवस्था गरिएको आयोजकले जनाएको छ ।

माघी पर्वलाई रमाइलो बनाउन र परम्परालाई जीवन्त राखिराख्न बर्सेनि गोरु जुधाइ प्रतियोगिता गर्ने गरेको आयोजक सिर्जनशील युवा क्लबका अध्यक्ष विष्णुबहादुर दानकोटीले बताए ।

प्रकाशित : माघ १, २०७७ १६:५२
प्रतिक्रिया
पठाउनुहोस्

गुल्मीमा जन्ती बोकेको जिप दुर्घटना हुँदा १२ घाइते

वीरेन्द्र केसी

अर्घाखाँची — गुल्मीबाट जन्ती बोकेर स्याङ्जातर्फ जाँदै गरेको जिप दुर्घटना हुँदा १२ जना घाइते भएका छन् । दुई जनाको अवस्था गम्भीर रहेको प्रहरीले जनाएको छ ।

कालीगण्डकी गाउँपालिका–२ अर्बेनी कोटदेखि बिहेका लागि जैपते जाँदै गरेको ग १ ज ५०८६ नम्बरको जिप सोही वडाको खर्क नजिकैको ओरालोमा दुर्घटना भएको जिल्ला प्रहरी कार्यालय गुल्मीका सूचना अधिकारी पुरुषोत्तम पाण्डेले बताए ।

घाइतेको उपचारको लागि स्याङजाको मिर्मीतर्फ लगिएको छ । ओरालो झर्दा ब्रेक फेल भएर दुर्घटना भएको अनुमान रहेको छ ।


प्रकाशित : माघ १, २०७७ १६:४१
पूरा पढ्नुहोस्
प्रतिक्रिया
पठाउनुहोस्
×