घलेडाँडामा वृद्ध मृत फेला
गोरखा — सहिद लखन गाउँपालिका–७ का ७३ वर्षीय तेजबहादुर थापाको भीरबाट लडेर ज्यान गएको छ ।
सोमबार चितवनबाट घर फर्कंदै गरेका थापा मंगलबार रानीखोलास्थित घलेडाँडा भीरबाट लडेर मृत अवस्थामा फेला परेको जिल्ला प्रहरी कार्यालय गोरखाका डिएसपी वासुदेव खतिवडाले बताए ।
भीरबाट करिब ५० मिटर तल शव फेला परेको उनले बताए । प्रारभ्भिक अनुसन्धानको क्रममा भीरबाट लडेर मृत्यु भएको खुल्न आएको र घटनाको थप अनुसन्धान भइरहेको प्रहरीले जनाएको छ । शव पोष्टमार्टमका लागि गोरखा अस्पताल पठाइएको डिएसपी खतिवडाले बताए ।
प्रकाशित : पुस २१, २०७७ १८:३६प्रतिक्रिया