संघर्ष समितिद्वारा बीपी प्रतिष्ठानमा ओपीडी सेवा बहिष्कार
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
सुनसरी — धरानस्थित बीपी कोइराला स्वास्थ्य विज्ञान प्रतिष्ठानका बीपी प्रतिष्ठान शुद्धिकरण अभियान संयुक्त संघर्ष समितिले आइतबारदेखि ओपीडी (बहिरंग) सेवा बहिष्कार गरेको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![संघर्ष समितिद्वारा बीपी प्रतिष्ठानमा ओपीडी सेवा बहिष्कार](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2020/miscellaneous/bppratisthan-1582020040625-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
सहमति र सम्झौता कार्यान्वयन नभएको भन्दै आन्दोलनरत चिकित्सक, विद्यार्थी तथा कर्मचारीहरुले ओपीडी सेवा ठप्प पारेका हुन् । तर चिकित्सकहरुले उपकुलपति परिसरमा केही बिरामी स्वास्थ्य परीक्षण जारी राखेका छन् ।
प्रतिष्ठानमा बढ्दो वेथिति, आर्थिक भ्रष्टाचारविरुद्ध अढाई महिनाअघिको आन्दोलनपछि उच्चस्तरीय छानबिन कार्यदलको प्रतिवेदन र स्वास्थ्य मन्त्रालयले गरेको ६ बुँदे सहमति कार्यान्वयन नभएको भन्दै संघर्ष समितिले आइतबारदेखि इमर्जेन्सी र कोभिड अस्पतालको सेवावाहेक अन्य सबै बहिष्कार गरेको छ ।
सरकारले गठन गरेको छानबिन कार्यदलले आफ्नो प्रतिवेदन बुझाएको र आन्दोलनकर्मीसँग मन्त्रालयले सम्झौता गरेको १ महिना पूरा भएको छ । तर, कार्यदलको प्रतिवेदनले दोषी औंल्याएका पदाधिकारीहरुलाई सरकारले कारबाही गर्न चासो नदेखाएको आन्दोलनरत पक्षको गुनासो छ । सरकारले छानबिनमात्र गर्ने र प्रतिवेदन कार्यान्वयन नगर्ने प्रवृत्ति दोहोर्योएकोले आन्दोलनलाई थप कडा बनाउनुपरेको संघर्ष समिति संयोजक डा.एसपी रिमालले बताए । आकस्मिक सेवा, कोभिड अस्पतालको सेवा र पूर्वनिर्धारित परीक्षा भने सञ्चालन हुने उनले प्रस्ट पारे ।
प्रतिष्ठानका चारै पदाधिकारीको कार्यकक्षमा तालाबन्दी जारी छ । रजिष्ट्रार मोहनचन्द्र रेग्मीले राजीनामा दिइसकेका छन् । उपकुलपति यतिबेला काठमाडौंमा छन् ।
![](https://assets-cdn.ekantipur.com/uploads/source/ads/900-x-100-0172024023126.gif)