धेरै मूल्यमा मास्क र स्यानिटाइजर बेच्ने औषधि पसललाई दुईलाख जरिवाना
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
सुनसरी — वाणिज्य आपूर्ति तथा उपभोक्ता संरक्षण कार्यालय विराटनगरले इटहरीका दुई औषधि पसल सञ्चालकलाई २ लाख २० हजार रुपैयाँ जरिवाना गराएको छ । औषधि पसलेहरुले कोरोना महामारीको मौकामा एमआरपी र बिलबिजक नभएको ह्याण्ड सेनिटाइजर र मास्क बिक्री गरेर अस्वाभाविक मुनाफा राखेकोमा मंगलबार जरिवाना गरेको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![धेरै मूल्यमा मास्क र स्यानिटाइजर बेच्ने औषधि पसललाई दुईलाख जरिवाना](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/third-party/homtang-itahari-1252021112733-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
कार्यालयले इटहरीको औषधि र औषधिजन्य वस्तुको थोक विक्रेता बिबिता सर्जिकल हाउस र होम्ताङ आयुर्वेद औषधालयलाई जरिवाना गराएको हो । कार्यालयका प्रमुख सन्तोष पोखरेलकाअनुसार सर्जिकल हाउसले भारतीय कम्पनीद्वारा उत्पादित ह्यान्ड स्यानिटाइजरमा एमआरपी उल्लेख नभएको र ३९ रुपैयाँमा खरिद गरी ८० रुपैयाँमा बिक्री गरी अस्वभाविक मुनाफा आर्जन गरेको देखिएकाले २ लाख रुपैयाँ जरिवाना गरिएको हो ।
यसैगरी, होम्ताङ आयुर्वेद औषधालयले स्यानिटाइजर, मास्क लगायत अन्य औषधीहरूको खरिद बिक्री गर्दा बिलबिजक राखेको नभेटिएकोले उक्त औषधालयलाई पनि २० हजार जरिवाना गरिएको पोखरेलले बताए ।
यसैगरी धरानस्थित बीपी कोइराला स्वास्थ्य विज्ञान प्रतिष्ठान अगाडीका दुई फार्मेसीलाई पनि २० हजार जरिवाना गरेको कार्यालय प्रमुख पोखरेलले बताए । सरिता साह र किशोर साहले सञ्चालन गरेको टाटा फार्मेसीले बिलबिजक नराखी मास्क तथा सेनिटाइजर खरिद बिक्रीमा नाफा प्रतिशत बढी राखेकाले २० हजार जरिवाना गराइएको पोखरेलले बताए ।
प्रतिष्ठान गेट अगाडी सुजिता सुनुवारले सञ्चालन गरेको सुनौलो मेडिकल हलले मधुमेह (सुगर टेस्ट) को मेसिन महँगोमा बिक्री गरेको थाहा पाएपछि उपभोक्ता संरक्षण ऐन, २०७५ को दफा ३८ ङ को दफा ५४ को उपदफा दुई बमोजिम २० हजार जरिवाना गरिएको थियो । अनुगमन टोलीले बलराम अग्रवालले सञ्चालन गरेको गार्जियन फर्माले पनि खरिद बिलको ३० प्रतिशत नाफा राखेर बिक्री गरेको पाइएको जनाएको छ ।
प्रकाशित : वैशाख २९, २०७८ १५:१६