बंगलादेशबाट साढे ३ सय विद्यार्थी काँकडभिट्टा आइपुगे
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
झापा — सरकारी सेवामा विशेष आरक्षणको विरोधमा आन्दोलन हिंसात्मक बन्न थालेपछि बंगलादेशमा अध्ययनरत नेपाली विद्यार्थीहरू पूर्वी नाका हुँदै घर फर्किन थालेका छन् । अध्यागमन कार्यालय काँकडभिट्टाका अनुसार तीन दिनमा करिब साढे ३ सय विद्यार्थी घर फर्किइसकेका छन्
![](https://assets-cdn.ekantipur.com/uploads/source/ads/ekantipur-1-1282024082932.gif)
![बंगलादेशबाट साढे ३ सय विद्यार्थी काँकडभिट्टा आइपुगे](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/student-in-kakarbhitta-1-2172024101526-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
बंगलादेशको राजधानी ढाकासहित रंगपुरलगायतका मेडिकल कलेज, कृषि कलेजहरूमा नेपाली अध्ययनरत छन् ।
रंगपुरको डेन्टल कलेजमा अध्यनरत काठमाडौंकी सुजा क्षेत्रीले आन्दोलनका कारण सिंगो बंगलादेशमा जनसम्पर्क विच्छेद भएको बताइन् । उनका अनुसार इन्टरनेट, टेलिफोनलगायतका सञ्चारमाध्यमका साधनहरू बन्द गरिँदा परिवारसँग केही दिनदेखि सम्पर्क टुटेको थियो ।
‘काँकडभिट्टा आइपुग्नेबित्तिकै पहिला घरमा फोन लगाएँ’, सुजाले भनिन्, ‘सबै खुसी हुनुभयो ।’ पूर्वी नाका काँकडभिट्टाबाट करिब ३५ किलोमिटर बंगलादेशको सिमाना पर्छ । फूलबारी–बंगलाबन्ध मार्ग हुँदै नेपालीहरू घर फर्किइरहेका छन् ।
सरकारी सेवामा विशेष आरक्षणको विरोधमा आन्दोलन हिंसात्मक बन्न थालेपछि बंगलादेशमा अध्ययनरत नेपाली विद्यार्थीहरू पूर्वी नाका हुँदै घर फर्किन थालेका छन् ।
अध्यागमन कार्यालय काँकडभिट्टाका प्रमुख मोहनाल पनेरुले बंगलादेशबाट फर्किने नेपाली विद्यार्थीको चाप बढेको बताउँदै यो संख्या अझै बढ्न सक्ने बताए । उनले भने,‘विद्यार्थी आएका आयै छन्, यो क्रम अझै केही दिन रहन्छ ।’ यसअघि आइतबार बिहान विमान बंगलादेशमार्फत ५६ विद्यार्थी ढाकाबाट काठमाडौं आइपुगेका छन् । बंगलादेशमा करिब ३ हजार नेपाली विद्यार्थी विभिन्न विषयमा अध्ययनरत रहेको परराष्ट्र मन्त्रालयको भनाइ छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)