संविधान संशोधन सजिलो छैन : आङ्देम्बे
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
पाँचथर — नेपाली कांग्रेसका सहमहामन्त्री भिष्मराज आङ्देम्बेले कांग्रेस-एमाले मिलेर सरकार बनाउनु मुलुकको आवश्यकता रहेको बताएका छन् ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![संविधान संशोधन सजिलो छैन : आङ्देम्बे](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/visma-1672024062423-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
यद्यपि देशका प्रमुख र दोस्रो पार्टी मिलेर सरकार बनाउँदा साना दल र नागरिकका आवाज कुण्ठित पो हुने हुन् कि ? भनेर सशंय व्यक्त हुनु पनि स्वाभाविक भएको उनको भनाइ थियो ।
‘पछिल्लो पटक कांग्रेस-एमाले मिलेर सरकार बनेपछि जबरजस्त संविधान संशोधन गर्लान् वा साना दललाई प्रभाव पर्ने गरी थ्रेस होल्डको दायरा खुम्च्याउँछन् कि ? भन्ने शंका गरिए पनि त्यो सजिलो छैन,’ आङ्देम्बेले भने ।
मंगलबार पाँचथरको फिदिममा आयोजित कार्यक्रममा आङ्देम्बेले कम्युनिष्ट पार्टी मिलेर सरकार चलाउन भनेर प्रमुख दल कांग्रेसले चुप लागे पनि पछिल्लो पटक एमालेसँग मिल्नु पर्ने बाध्यता आइलागेको बताए ।
एमाले-माओवादीबीच एक अर्कामा विश्वासको वातावरण नहुँदा प्रचण्ड नेतृत्वको पछिल्लो सरकार नटिकेको पनि आङदेम्बेको भनाइ थियो ।
पटक-पटक सरकार फेरिँदा शीर्ष नेताहरुले पटक-पटक प्रधानमन्त्री र सांसदहरुले मन्त्री बन्ने अवसर पाए पनि देशमा सकारात्मक परिवर्तन आउन नसकेको पनि आङदेम्बेले टिप्पणी गरे ।
![](https://assets-cdn.ekantipur.com/uploads/source/ads/900-x-100-1-0282024055738.gif)