२१.१२°C काठमाडौं
बीपी र मध्यपहाडी लोकमार्ग अवरुद्ध
सिन्धुली — लगातारको वर्षापछि खसेको पहिरोले बीपी राजमार्ग र मध्येपहाडी लोकमार्ग शनिबार बिहानैदेखि अवरुद्ध भएको छ । बीपी राजमार्ग अन्तर्गत सुनकोसी गाउँपालिका-२ को कमेरेफाँटमा लेदोसहितको पहिरो खसेकाले सडक अवरुद्ध भएको प्रहरीले जनाएको छ ।
मध्यपहाडी लोकमार्गको गोलन्जोर गाउँपालिका-६ अक्करे भीर र फिक्कल गाउँपालिका-२ सुम्नामबेंसीमा पहिरो खसेर यातायात अवरुद्ध भएको छ ।
दुई राजमार्ग अवरुद्ध हुँदा पूर्वी पहाडी जिल्लाहरू ओखलढुङ्गा, खोटाङ, सोलुखुम्बु, भोजपुर, उदयपुर तथा तराईबाट काठमाडौं आवतजावत गर्ने सवारीसाधन बिच बाटामै अलपत्र परेका छन् । यान्त्रिक कार्यालय मुलकोटको सहयोगमा पहिरो पन्छाउने काम भइरहेको सिन्धुली प्रहरी प्रमुख एसपी गोविन्दराज काफ्लेले जानकारी दिए ।
प्रकाशित : असार २२, २०८१ ०९:१९प्रतिक्रिया
