सरकारी निकायमा स्वेदशी सफ्टवेयर प्रयोग गरिने

संघीय संसद्मा मंगलबार आव २०८१/८२ को नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले सार्वजनिक निकायमा प्रयोगमा आउने प्रणाली तथा सफ्टवेयर सरकारी क्षेत्रबाट निर्माण गरिने बताए । योसँगै सार्वजनिक निकायले प्रयोग गर्ने सूचना प्रविधि प्रणालीको मापदण्ड निर्धारण गर्ने पनि उनले जानकारी दिए ।

‘सार्वजनिक निकायले प्रयोग गर्ने सूचना प्रविधि प्रणालीको मापदण्ड निर्धारण गरी सुरक्षित र भरपर्दो बनाइनेछ,’ उनले भने, ‘सार्वजनिक निकायमा प्रयोग भइरहेका हार्डवेयर, सफ्टवेयर, नेटवर्क, साइबर सुरक्षा लगायतका सूचना प्रविधि प्रणालीको प्राविधिक परीक्षण गरिनेछ ।’ उनका अनुसार सुचना प्रविधिसम्बद्ध निकायको पुन: संरचना गरी सेवा प्रवाह प्रभावकारी बनाउनले सरकारको योजना छ ।