संसदीय भुमिकालाई थप प्रभावकारी बनाउने जनमतको निर्णय

सोमबारको देखि संसद्को हिउँदे अधिवेशन सुरु हुँदैछ । जनमतका प्रवक्ता शरदसिंह यादवले बैठकमा समसामयिक राजनीतिको समीक्षा गर्दै संसदीय भूमिकालाई प्रभावकारी बनाउने विषयमा छलफल भइरहेको बताए ।

उनका अनुसार बैठकमा पार्टीका संगठन र वडा अधिवेशनको बारेमा समेत छलफल भइरहेको छ । मधेस प्रदेशमा जनता समाजवादी पार्टी, नेपालले गठबन्धनको सहमति तोड्दा आफूहरु सरकारबाट निस्किनुपरेको उनले बताए ।

'गठबन्धन बनेको एक वर्ष बितेको छ । तर मधेशमा जनता समाजवादी पार्टीले गठबन्धनको सहमतिलाई कार्यान्वयन नगर्दा समस्या भएको छ,' उनले भने, 'गठबन्धनको सहमतिबमोजिम अघि बढ्नुपर्छ भनेर बैठकमा उठेको छ ।'

उनले संघीय सरकारको एक वर्षको कामका विषयमा समेत समीक्षा भएको बताए ।