पाटनको हाथद्यो न्यूयोर्कमा फेला
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — पाटनको हौगल टोलस्थित एक गुठीघरबाट चोरिएको पुरातात्विक भैरव मास्क(हाथद्यो) अमेरिकाको न्यूयोर्कमा फेला परेको छ ।
![](https://assets-cdn.ekantipur.com/uploads/source/ads/900x100-1172024092759.gif)
![पाटनको हाथद्यो न्यूयोर्कमा फेला](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/hathdyu-usa-02102023063923-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
हराएका/चोरिएका सम्पदाको खोज तथा घरफिर्ती अभियानमा जोडिएको ‘लस्ट आर्ट्स अफ नेपाल’का अनुसार, न्यूयोर्कस्थित अन्तरार्ष्ट्रिय कला–सम्पदा लिलाम गृह बनह्याम्ज केन्द्रमा हाथद्यो फेला परेको हो । यो सत्रौं शताब्दीको सम्पदा २०१७ मैं बिक्री भएर न्यूयोर्क पुगेको पाइएको छ । फ्रेन्च अध्येता जेरार्ड टोफिनले सन् १९८६ को इन्द्रजात्रा उत्सवका बेला लिएको तस्बिरका आधारमा यो हाथद्योको उत्पत्ति थलोको प्रामाणिकता पहिचान गरिएको हो । यो सम्पदा गुठीघरबाट कहिले चोरिएको थियो भन्ने खुलाइएको छैन ।
यस्तै, सन् ८० को दशकमा चोरिएको मानिने काठमाडौं ओमबहाल टोलको बोधिसत्व पद्यमपाणी र सुखवती लोकेश्वरको प्रतिमा अमेरिकाको बोस्टनस्थित एक लिलाम गृहमा पाइएको छ । २००९ अप्रिल २४ मा बोस्टनस्थित स्किनर कलेक्सन (हाल बनह्याम्ज) मा यी सम्पदा बिक्री भएको पाइएको छ । यो सम्पदाको मुल तस्बिर भने सम्पदा अभियन्ता यादवलाल कायस्थले उपलब्ध गराएका हुन् ।
![](https://assets-cdn.ekantipur.com/uploads/source/ads/900-x-100-0172024023126.gif)