इन्द्रजात्रा हेर्न आएका विदेशी पाहुनालाई स्वागत

महानगरपालिकाको निमन्त्रणामा इन्द्रजात्रा अवलोकनका लागि ३ वटा देशका ५ वटा नगर र एउटा संस्थाबाट प्रतिनिधित्व गर्दै २० जना अतिथि काठमाडौं आएका छन् । यस्तै आन्तरिक भगिनी सम्बन्ध भएका सहरहरूबाट प्रमुखसहित प्रतिनिधि पनि आएका छन् ।

मौलिक प्रविधि, सीप र कला जोडेर सिर्जना गरेका मूर्त सम्पदासँग अमूर्त सम्पदाको सम्बन्धको अवलोकन गर्न महानगरपालिकाले भगिनी तथा संस्थागत सम्बन्ध भएका नगरबाट प्रमुख र प्रतिनिधिलाई आमन्त्रण गरेको थियो ।