दिसाजन्य फोहोर खोलामा फाल्ने कन्टेनरलाई एक लाख रुपैयाँ जरिवाना

अनुगमनका क्रममा महानगर प्रहरीले जेठ २४ गते उक्त दुई कन्टेनरलाई नियन्त्रणमा लिएको थियो । महानगर सफा र सुन्दर बनाउने अभियानमा असहयोग गरेकाले महानगरको फोहोर व्यवस्थापन ऐन २०७५ अनुसार जरिवाना तिराएर कारबाही गरेको महानगर प्रमुख चिरीबाबु महर्जनले बताए ।

च्यासलस्थित स्थानीय युवा क्लबले दुर्गेश तामाङलाई बाँस बिक्री केन्द्र सञ्चालनका लागि भाडामा लगाएको र तामाङले भने उक्त स्थानमा प्रतिकन्टेनर ५ सय रुपैयाँ असुलेर दिसाजन्य फोहोर खोलामा फाल्न लगाउने गरेको पाइएको ललितपुर महानगर प्रहरी प्रमुख सिताराम हाछेथुले बताए ।

फोहोर फाल्न तामाङले खोलाको नजिकै बाँस पाइने ठाउँ भनेर बोर्ड राखी भित्रपट्टि ढलको पाइपमार्फत खोलामा फोहोर मिसाउने गरेको पाइएको उनले बताए ।