२५.१२°C काठमाडौं
काठमाडौंमा वायुको गुणस्तर: १७९

कोटेश्वर क्याम्पसमा नेविसंघका बुढाथोकी सर्वसम्मत 

काठमाडौँ — कोटेश्वर बहुमुखी क्याम्पसको स्वतन्त्र विद्यार्थी युनियनको सभापतिमा नेपाल विद्यार्थी संघका सञ्जय बुढाथोकी सर्वसम्मत चयन भएका छन् । 

कोटेश्वर क्याम्पसमा नेविसंघका बुढाथोकी सर्वसम्मत 

नेविसंघसहित अखिल (क्रान्तिकारी), अनेरास्ववियू, अखिल (क्रान्तिकारी) चन्द सहितका क्याम्पसमा दर्ता भएका विद्यार्थी संगठनबीच भएको सर्वपक्षीय सहमतिबाट बुढाथोकीको नेतृत्वमा २१ सदस्यीय स्ववियु कार्यसमिति चयन भएको हो । उपाध्यक्षमा अखिल (क्रान्तिकारी)का सागर पराजुली, सचिवमा अनेरास्ववियुका रामकृष्ण थापा, सहसचिवमा शर्मिला भण्डारी र कोषाध्यक्षमा अनेरास्ववियूका शैलन्द्र श्रेष्ठ चयन भएका छन्।

सदस्यहरुमा नेविसंघकी शारती ढकाल, आशीष कार्की, प्रदीप कार्की, सन्तोष घर्तीमगर, अनेरास्ववियूका सञ्जु भट्ट, प्रेमराज रेग्मी, राजेशकुमार गुप्ता, सुशील दाहाल, अखिल (क्रान्तिकारी) का अप्सरा बस्नेत, सरोज श्रेष्ठ, बिनिता फुयाल र अखिल (क्रान्तिकारी) चन्द समूहका मिठु टमट्टालगायत छन् ।

निर्वाचित कार्यसमितिका सदस्यहरुलाई क्याम्पस प्रमुख गोविन्दबहादुर कार्की र प्रमुख निर्वाचन अधिकृत सुरेश पोखरेलले बधाई ज्ञापन गरेका थिए । नवनिर्वाचित अध्यक्ष बुढाथोकीले कलेजको शिक्षाको गुणस्तर सुधार गर्न कलेज प्रशासनसँग सहकार्य गरेर अगाडि बढ्ने बताए ।


प्रकाशित : चैत्र १०, २०७९ २०:१७
प्रतिक्रिया
पठाउनुहोस्
जनताको राय

सहकारीको बचत अपचलनमा जोडिएका गृहमन्त्री रवि लामिछानेले प्रतिनिधिसभामा दिएको स्पष्टीकरणबारे तपाईंको के टिप्पणी छ ?