दुई स्रष्टालाई ‘नारायण गोपाल सम्मान’

काठमाडौं महानगरपालिका प्रमुख विद्यासुन्दर शाक्य, कोषका महासचिव दीपक केसीलगायतले सम्मानपत्रसहित जनही २५ हजार रुपैयाँ हस्तान्तरण गरे ।

गायिका थापा पाँच दशकदेखि विशेषगरी लोकगीतको क्षेत्रमा सक्रिय छिन् भने बेहोसीले सात दशकदेखि गीत लेखन, संगीत संयोजन र गायनमा सक्रिय रहेका हुन् । सम्मानित दुवैले नारायण गोपालको योगदानको चर्चा गरे । कार्यक्रममा अन्नपूर्ण चेम्बर अर्केस्ट्रा समूहले नारायण गोपालका गीतसँगै सम्मानित थापा र बेहोसीका गीतहरू अर्केस्ट्रा धुनका साथ प्रस्तुत गरेको थियो । डेढ दर्जन गीत प्रस्तुतिमा सुरजकुमार थापा, शिला विष्ट, विपिन घिमिरे, तीर्थराज पोखरेल, वैभव विक्रम परियारलगायतका गायक–गायिकाहरू सहभागी थिए ।