वरिष्ठ अधिवक्ता अर्यालद्वारा लिखित 'बानेश्‍वरको सेरोफेरो' सार्वजनिक- साहित्य/विविध - कान्तिपुर समाचार
कान्तिपुर वेबसाईट
AdvertisementAdvertisement

वरिष्ठ अधिवक्ता अर्यालद्वारा लिखित 'बानेश्‍वरको सेरोफेरो' सार्वजनिक

कान्तिपुर संवाददाता

काठमाडौँ — वरिष्ठ अधिवक्ता श्रीहरि अर्यालको संस्मरणात्मक कृति बानेश्वरको सेरोफेरो सार्वजनिक भएको छ । शनिबार काठमाडौंमा एक कार्यक्रमबीच कृति सार्वजनिक गरिएको हो ।

२०१९ सालमा स्थापित श्री रत्न पुस्तकालयका संस्थापक सदस्यसमेत रहेका अधिवक्ता अर्यालले बानेश्वर र आसपासका पुराना सम्झनालाई पुस्तकमा सुन्दर ढंगमा समेटेका छन् । बानेश्वरमै जन्मिएर हुर्किएका अर्यालले ६५/६६ वर्षयताको बानेश्वरको बस्ती र यहाँको समाजको चित्रण गरेका छन् ।

२०१५ सालताका बानेश्वर र आसपासमा गाडी नहुँदा भरिया लगाउनु परेको अनुभव, चामल बोक्न असन, इन्द्रचोकतिर जानु परेका पुराना सम्झनाको रोचक वर्णन उनको पुस्तकमा पाइन्छ । पुस्तकमा बानेश्वरको सेरोफेरोसँगै त्यसबेलाको राजनीति, प्रशासन र आम मनोविज्ञानबारे पनि बुझ्न सकिन्छ ।

काठमाडौंकै स्थायी बासिन्दा तथा कांग्रेसका नेता प्रकाशमान सिंहले शनिबार पुस्तक लोकार्पण गरेका हुन् । नेता सिंहले बानेश्वरको पुरानो अवस्था थाहा पाउन उक्त पुस्तक पढ्नुपर्ने बताएका थिए ।

प्रकाशित : मंसिर ४, २०७८ २०:४२
प्रतिक्रिया
पठाउनुहोस्

जुम्ला जिप दुर्घटना : एकको मृत्यु [अपटेड]

रासस

काठमाडौँ — जुम्लाको पातारासीमा जिप दुर्घटना हुँदा एक जनाको मृत्यु भएको छ । कर्णाली स्वास्थ्य विज्ञान प्रतिष्ठान शिक्षण अस्पतालका अनुसार दुर्घटना परेकामध्ये एकको मृत्यु भएको छ । मृत्यु हुनेमा पातारासी गाउँपालिका–७ रिनी निवासी ४६ वर्षीया दन्दकली बोहोरा रहेको अपस्तालले जनाएको छ । बोहोराको कर्णाली स्वास्थ्य विज्ञान प्रतिष्ठान शिक्षण अस्पताल पुग्नु अगावै मृत्यु भइसकेको उपकुलपति मंगल रावलले जानकारी दिए । 

यसैगरी दुर्घटनामा अन्य सातजना घाइते भएका छन् । घाइतेमध्ये दुई गम्भीर घाइते रहेका प्रतिष्ठानले जनाएको छ । गम्भीर घाइते एक महिला र पुरुषको ठेगानासमेत खुल्न सकेको छैन ।

पातारासी गाउँपालिका लासीबाट उर्थुतिर आउँदै गरेको ग१झ ५८८४ बलेरो पिकअफ दुर्घटना भएको घटनास्थलबाट फर्किएका सशस्त्र प्रहरी ३३ नं गणका एसपी गगन श्रेष्ठले जानकारी दिए । घटनास्थलमा प्रमुख जिल्ला अधिकारी विजयाकुमारी प्रसार्इंसमेत पुगेर फर्किएका छन् ।

प्रहरीका अनुसार अन्य घाइते हुनेमा पातारासी–३ का १९ वर्षीया रुपा बोहोरा, पातारासी–३ महरी गाउँका ४९ वर्षीय गोर्ख बुढा, पातारासी–३ माथी लोर्पाका ५२ वर्षीय सिंहरुप बोहरा, पातारासी–६ जम्नका छ वर्षीय पुस्कर विष्ट र पातारासी–७ रिनी बस्ने १० वर्षीय कमल बोहरा रहेका छन् । घाइतेको कर्णाली स्वास्थ्य विज्ञान प्रतिष्ठान शिक्षण अस्पतालमा उपचार भइरहेको छ । उपचारमा उपकुलपति रावलसहितको चिकित्सकीय टोली खटिएको छ ।

प्रकाशित : मंसिर ४, २०७८ २०:३१
पूरा पढ्नुहोस्
प्रतिक्रिया
पठाउनुहोस्
×