कटुवालको ‘फेरि अर्को बिहानी’ सार्वजनिक
काठमाडौँ — उपन्यासकार हरि कटुवालद्वारा लिखित उपन्यास ‘फेरि अर्को बिहानी’ सार्वजनिक भएको छ । सशस्त्र द्वन्द्व र त्यसपछिको अवस्थाको कथामा केन्द्रित उपन्यास बरिष्ठ साहित्यकार कृष्ण धरावासी, निबन्धकार युवराज नयाँघरेलगायतले विमोचन गरेका छन् ।
उपन्यास सार्वजनिक गर्दै साहित्यकार धरावासीले पञ्चायतकालमा भएको झापा आन्दोलनदेखि माओवादी सशस्त्र विद्रोहले व्यवस्था परिवर्तन गर्न योगदान गरे पनि आम मानिसको जीवनमा अझै फरकपन आउन नसकेको बताए । उनले लेखक साहित्यकारहरूले इतिहासका घटनाक्रमहरूलाई इमानदार भएर आफ्नो कलम चलाउनुपर्ने बताए । कार्यक्रममा निबन्धकार युवराज नयाँघरे लगायतले बोलेका थिए । कटुवालका यसअघि दुई उपन्यास ‘अधुरो सपना’ र ‘रेडलाइट’ प्रकाशित छन् ।
प्रतिक्रिया