शर्माको आत्मसंलाप ‘घाम अस्ताएको होइन’

आठ वर्षअघि पीएचडी गर्ने क्रममा आफू अष्ट्रेलियामा रहेका बेला धनकुटानिवासी आमाको निधन भएको खबर सुनेर लेखक शर्माले यो आत्मसंलाप लेखेकी हुन् । शर्माले पत्रात्मक शैलीमा आमासागका स्मृति उधिन्ने क्रममा एउटी आमाले आफ्ना सन्तानका लागि दिने समय, समर्पण र त्यागको मन छुने उदाहरणहरु पेश गरेकी छिन् ।

‘सोक्रेटसले भनेका छन्— हरेक नयाँ कुराको सुरुवात अनन्त पीडाबाट हुन्छ ।हजुर(आमा)लाई गुमाउनुको पीडाले मेरो जीवनको मोड परिवर्तन भएको छ । मेरो जीवनको उद्धेश्य बदलिएका छन्, प्राथमिकता बदलिएका छन्’ भन्दै लेखक शर्माले आफ्ना प्रियजनले छाडेर गएपछि कवित्व चेतसहितको स्मृति पत्रहरु लेखेकी छिन् । हाल झापा, दमक बहुमुखी क्याम्पसमा अंग्रेजी अध्यापक रहेकी अंग्रेजी आलेखहरुको संग्रह पनि प्रकाशोन्मुख छ ।

‘घाम अस्ताएको होइन’ कृतिलाई ओरिएन्टल पब्लिकेसनले प्रकाशित गरेको छ ।