राईको ‘श्वेतशार्दूलः मदन भण्डारीको जीवन’ सार्वजनिक
काठमाडौँ — लेखक रमेश रुछेन राईद्वारा लिखित ‘श्वेतशार्दूलः मदन भण्डारीको जीवन’ सार्वजनिक भएको छ । पूर्वप्रधानमन्त्री तथा एमाले अध्यक्ष केपी शर्मा ओलीले मंगलबार पुस्तक विमोचन गरेका हुन् ।
सांग्रिला बुक्सद्वारा प्रकाशित यस पुस्तक नेपाली राजनीतिका प्रखर तथा गतिशील पात्र मदन भण्डारीको जीवनमार्फत वाम राजनीतिको विगत हेर्ने एउटा प्रयास हो ।
राजनीति र विकाससम्बन्धी अध्येता राई मोफलसलमा बसेर नेपाली राजनीति र विकासमा विगतको खोजी र वर्तमान निर्माणसम्बन्धी अध्ययनमा संलग्न छन् ।
पुस्तकको समीक्षा गर्दै नेकपा एमाले नेता विन्दा पाण्डेले नयाँ पुस्ताले पढ्नैपर्ने सामग्री भएको बताइन् । अर्का टिप्पणीकार पूर्वसभामुख दमननाथ ढुंगानाले नेपाली कम्युनिस्ट आन्दोलनमा मदन भण्डारीको योगदान बुझ्न युवा पुस्ताले यो पुस्तक पढ्नै पर्ने बताए ।
प्रतिक्रिया
