चितवनमा भानु जयन्तीमा दुई जना पुरस्कृत- साहित्य/विविध - कान्तिपुर समाचार
कान्तिपुर वेबसाईट
AdvertisementAdvertisement

चितवनमा भानु जयन्तीमा दुई जना पुरस्कृत

रमेशकुमार पौडेल

चितवन — साहित्यकार प्रभा बराल र चित्रकार प्रकाश थापा पुरस्कृत भएका छन् ।

आदिकवि भानुभक्त आचार्यको २०८ औं जन्म जयन्तीको अवसर पारेर मंगलबार चितवन साहित्य परिषद्‌ले नारायणगढमा आयोजना गरेको कार्यक्रममा उनीहरुलाई पुरस्कार प्रदान गरियो । परिषद्‌ले ‘चिसाप खेमलाल लामिछाने साहित्य पुरस्कार’ प्रभा बराललाई दिएको छ । कृतिका लागि यो पुरस्कार दिने गरिन्छ ।

बरालको उपन्यास ‘फिलिंगो’का लागि ५० हजार ४५ रुपैयाँ राशिको पुरस्कार दिइएको परिषद्‌का अध्यक्ष सुरेन्द्र अस्तफलले बताए । जापानका कामदारहरुको विषयलाई आधार बनाएर उपन्यास लेखेको बरालले बताइन् । त्यसैगरी ५० को दशकदेखि नै चितवनमा सक्रिय रहेका चित्रकार प्रकाश थापालाई १५ हजार ४५ रुपैयाँ राशीको ‘चिसाप प्रतिभा’ पुरस्कार प्रदान गरिएको हो ।

प्रकाशित : असार २९, २०७८ १६:२३
प्रतिक्रिया
पठाउनुहोस्

२४ घण्टामा थप १ हजार ६३९ मा कोरोना पुष्टि, २ हजार ७८ जना संक्रमणमुक्त

कान्तिपुर संवाददाता

काठमाडौँ — २४ घण्टामा देशभर १ हजार ६३९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार मंगलबार विभिन्न जिल्लामा गरिएको ७ हजार ५८ पीसीआर परीक्षणमा १ हजार ६३९ जनामा कोरोना पुष्टि भएको हो ।

यसैगरी, ३ हजार ९५४ एन्टिजेन परीक्षणमा ७५९ जनामा कोरोना संक्रमण देखिएको छ । पीसीआर र एन्टिजेन परीक्षणबाट कुल २ हजार ३९८ जनामा संक्रमण पुष्टि भएको मन्त्रालयले जनाएको छ । योसँगै नेपालमा पीसीआर परीक्षणमा कोरोना देखिनेको संख्या ६ लाख ५८ हजार ७७८ पुगेको छ ।

यस्तै, २४ घण्टामा २ हजार ७८ जना कोरोना संक्रमणमुक्त भएका छन् । योसँगै कोरोना संक्रमण भइ निको हुनेको संख्या ६ लाख २३ हजार १०५ पुगेको छ ।

मन्त्रालयले दिएको जानकारी अनुसार देशभर गरी थप १२ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ९ हजार ४१२ पुगेको छ ।

प्रकाशित : असार २९, २०७८ १६:२०
पूरा पढ्नुहोस्
प्रतिक्रिया
पठाउनुहोस्
×