रंगकर्मी मिश्रसहित दुई स्रष्टा पुरष्कृत- साहित्य/विविध - कान्तिपुर समाचार
कान्तिपुर वेबसाईट
AdvertisementAdvertisement

रंगकर्मी मिश्रसहित दुई स्रष्टा पुरष्कृत

श्यामसुन्दर शशि

जनकपुर — वरिष्ठ रंगकर्मी तथा मिथिला नाट्यकला परिषद्का पूर्वअध्यक्ष सुनिल मिश्र तथा परम्परागत संगीत विधाका वरिष्ठ स्रष्टा वंशीबाबा भनिने वंशीधर मण्डल नेपाल संगीत तथा नाट्य प्रज्ञा प्रतिष्ठानद्वारा पुरस्कृत भएका छन् ।

प्रदेश २ का मुख्यमन्त्री लालबाबु राउत तथा भौतिक पूर्वाधार विकासमन्त्री रामसरोज यादवलगायतले उनीहरुलाई १/१ लाख नगद, प्रशस्त्री पत्र र दोसल्ला लगाइ पुरस्कृत गरेका हुन् ।

प्रतिष्ठानद्वारा नाट्य तथा प्रदर्शनकारी विधामा योगदान दिने ६ स्रष्टालाई प्रत्येक वर्ष पुरस्कार प्रदान गर्दै आएको छ । रंगकर्मी मिश्रलाई नाट्य विधातर्फ तथा मण्डललाई संगीत विधातर्फ पुरस्कृत गरिएको हो ।

प्रतिष्ठानका प्राज्ञ परिषद् सदस्य तथा परम्परागत तथा शास्त्रीय संगीत विभागका प्रमुख धीरेन्द्र प्रेमर्षिको अध्यक्षतामा सम्पन्न पुरस्कार वितरण समारोहलाई सम्बोधन गर्दै मुख्यमन्त्री राउतले प्रदेश सरकार यसै वर्ष प्रदेश कला साहित्य प्रतिष्ठान गठन गर्ने जानकारी दिए । प्रदेश सरकारको नीति कार्यक्रम तथा बजेटमासमेत समाहित भइसकेको प्रतिष्ठान गठन सम्बन्धी गृहकार्य सुरु भइसकेको तथा केही महिनाभित्रै ठोस रुप लिने उनले बताए ।

प्रदेश २ भित्रका मैथिली, भोजपुरीलगायतका भाषा, साहित्य, कला, संस्कृति अत्यन्तै प्राचीन तथा मौलिक रहेको उल्लेख गर्दै उनले यसलाई संरक्षण सम्वद्र्धन गर्न प्रतिष्ठान गठन लागिएको बताए ।

भौतिक पूर्वाधारमन्त्री रामसरोज यादवले पूर्वमा कोसीदेखि पश्चिममा गण्डकीसम्म फैलिएको प्रदेश २ को झण्डै ५० प्रतिशत नागरिक मैथिली भाषी भएको तथा यस प्रदेशमा मैथिली र भोजपुरी संस्कृति मान्नेहरुको संख्या अत्यधिक भएकोले प्रदेशको नाम मिथिला भोजपुरा राखिनुपर्ने बताए ।

प्राज्ञ परिषद् सदस्य धीरेन्द्र प्रेमर्षिको अध्यक्षतामा सम्पन्न कार्यक्रमलाई नीति तथा योजना आयोगका उपाध्यक्ष डा. भोगेन्द्र झा, प्राध्यापक परमेश्वर कापडी, मिनाप अध्यक्ष प्रमेख झा, नित्यानन्द मण्डललगायतले पनि सम्बोधन गरेका थिए ।

प्रकाशित : असार २०, २०७८ १९:१५
प्रतिक्रिया
पठाउनुहोस्

हामीसँग भएको सहमति कार्यान्वयन नभए त्यसको नोक्सान सरकारलाई नै पर्छ : प्रकाण्ड

कान्तिपुर संवाददाता

काठमाडौँ — नेत्र विक्रम चन्द नेतृत्वको नेकपा माओवादीका प्रवक्ता खड्गबहादुर विश्वकर्मा 'प्रकाण्ड'ले आफूहरुसँग भएको सहमति कार्यान्वयन नभए त्यसको नोक्सान सरकारलाई नै पर्ने बताएका छन् । 

चन्द समूहले आइतबार काठमाडौंमा गरेको पत्रकार सम्मेलनमा प्रवक्ता प्रकाण्डले संसदवादी दलहरुमा देखिएको राजनीतिक संघर्ष, सरकार विरुद्धको संसदीय मोर्चा लगायतले सहमति कार्यान्वयनमा प्रभाव पारेको देखिए पनि त्यसमा सरकार इमान्दार हुनुपर्ने तर्क गरे । सहमति कार्यान्वयनका सम्बन्धमा प्रधानमन्त्री केपी शर्मा ओलीसँग भेटपछि भएको पत्रकार सम्मेलनमा प्रकाण्डले सहमति कार्यान्वयन भएन भने त्यसको मूल्य सरकारले चुकाउनुपर्ने बताएका हुन् ।

उनले भने,'छोड्नु भएन भने पनि हामी आत्तिहाल्नुपर्ने छैन । किन भने यो त राजनीति हो । परिवर्तन, आन्दोलन हो । संघर्ष हो । यसले हामीलाई पनि केही प्रश्न खडा गर्ला त्यो भन्दा ठूलो नोक्सानी चाहीा मुल्य चुक्ता त सरकारले गर्नुपर्छ । हामीलाई त्यही होला । हाम्रा साथीहरु भित्र बस्छन् । तर कुरा त्यो होइन । यसमा फाईदा छैन भनेका छौं र छिटै साथीहरुलाई निकाल्ने तिर र त्यसको निम्ति राजनीतिक र कानुनी प्रक्रिया तिव्रताका साथ अघि बढाउने हामीले भनेका छौं । '

उनले सहमति अनुसार बन्दी बनेका आफ्ना नेता कार्यकर्ता छोड्न ढिलाइ भइरहँदा जनस्तरमा विभिन्न प्रश्न उठेको भएपनि सम्झौताको राजनीतिक महत्व घट्यो भन्ने भनाइमा सत्यता नभएको दाबी गरे । सहमति कार्यान्वयनमा जटिलता आएको तर आफूहरुसँगको सहमति कार्यान्वयन गर्नैपर्ने तर्क पनि उनले गरे । बोलेर पुरा नगर्ने प्रवृत्ति राजनीतिमा र धेरै संसदवादमा रहेको उल्लेख गर्दै उनले जनतासँगको राजनीतिमा त्यो स्वीकार नहुने चेतावनी दिए ।

उनले आइतबारको भेटघाटले एउटा साझा जिम्मेवारी पनि प्रदान गरेको र आफूहरुको तर्फबाट गर्ने कामहरु आफूहरु गर्ने र सरकारको तर्फबाट राजन भट्टराईले गर्ने गरी जिम्मेवारी तोकिएको पनि जानकारी दिए । उनले सरकार र आफ्नो पार्टीबीचको सहमति राजनीतिक मुद्दा भएकाले कुनै पनि राजनीतिक दल वा सत्तापक्ष वा प्रतिपक्षीहरु सहमतिको विरुद्ध जानुपर्ने आवश्यकता नरहेको बताए ।

उनले बन्दी नेता कार्याकर्ताको रिहाइपछि नेपालको राजनीतिक, आर्थिक सामाजिक समस्यालाई शान्तिपूर्ण ढंगले वार्ता र संवादको माध्यमबाट हल गर्ने मुद्दामा प्रवेश गर्ने बताए । त्यसपछि राष्ट्रिय राजनीतिक मुद्दामा पनि छलफल सुरु गर्ने उनले बताए ।

प्रकाशित : असार २०, २०७८ १९:०८
पूरा पढ्नुहोस्
प्रतिक्रिया
पठाउनुहोस्
×