गुरुकुलमा ‘सन्ध्या’
विराटनगर — कोरोना संक्रमणको जोखिमका कारण बन्द रहेर १० महिनापछि खुल्न लागेको हाटखोलास्थित नाटकघर आरोहण गुरुकुलमा ‘सन्ध्या’ मञ्चन हुने भएको छ । शुक्रबारदेखि ५ दिन मञ्चन गरिने उक्त नाटकका लागि कलाकारहरू पूर्वाभ्यास गरिरहेका छन् ।
धीरज राईको लेखन तथा दीपेश भण्डारीको निर्देशनमा तयार उक्त नाटक २ वर्षअघि पनि मञ्चन गरिएको थियो ।
नाटकमा विकास पराजुली, सविन भट्टराई, जिना कार्की, अनुपमा बाँस्तोला, प्रदीप दाहाल, मिलन राई र अशोक गौतमले अभिनय गरेका छन् । सरकारले निर्धारण गरेका स्वास्थ्य सुरक्षाका मापदण्ड पालना गर्दै नाटकघर खोल्ने निर्णय गरिएको आरोहण विराटनगरका अध्यक्ष भैरव क्षत्रीले बताए ।
प्रकाशित : माघ ९, २०७७ ०८:४८प्रतिक्रिया