केन्द्रीय कारागार अस्पतालमा ब्रेन म्यापिङ सेवा
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — गृह मन्त्रालय अन्तर्गतको केन्द्रीय कारागार अस्पतालमा इलेक्ट्रो इन्सेफेलोग्राफी (ईईजी) सेवा सुरु गरिएको छ । कारगारमा रहेका कैदी तथा थुनुवाहरुको स्वास्थ्योपचारका लागि ईईजी सेवा उपयोगी हुने अपेक्षा लिइएको छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![केन्द्रीय कारागार अस्पतालमा ब्रेन म्यापिङ सेवा](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/eeg-service-2072024044906-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
अस्पतालका प्रमुख मेडिकल सुप्रिटेन्डेन्ट तथा स्वास्थ्य तथा जनसंख्या मन्त्रालयका प्रवक्ता डा. प्रकाश बुढाथोकीका अनुसार कैदमा रहेकाहरुको मानसिक अवस्थाका साथै मानसिक स्वास्थ्यका बारेमा जनकारी प्राप्त गर्नका लागि यो सेवा उपयोगी हुनेछ । उनका अनुसार ईईजीलाई विकसित देशहरुमा अपराधिक घटनाको अनुसन्धानका लागि पनि प्रयोग गर्ने गरिन्छ । ‘हाम्रो पहिलो उद्देश्य कैदमा रहेकाहरुको मानसिक स्वास्थ्यको अवस्था जाँच र उपचार नै हो । तर यसलाई अपराध अनुसन्धानका लागि पनि प्रयोग गर्न सकिन्छ,’ उनले भने ।
केन्द्रीय कारागार अस्पतालको मानसिक विभागका प्रमुख डा. कन्चन दाहालका अनुसार ईईजी सेवा सुरु भएपछि कैदीहरुको उपचारका साथै अपराधिक मनोवृत्तिको अध्ययनका लागि पनि प्रयोग गरिने छ । उनका अनुसार हाल कारागार अस्पतालमा प्रयोगमा ल्याइएको ईईजीमा ‘ईईजी क्याप’ समेत रहेको छ । ‘कारागारमा रहेका व्यक्तिमा देखिने विभिन्न प्रकारका मानसिक रोगको निदानमा यसले सहयोग गर्छ,’ उनले भने, ‘यो उपकरणको प्रयोगले कैदीहरुको उपचारलाई चुस्त बनाउने छ ।’
केन्द्रीय कारागार अस्पताल देशभर रहेका ३० हजार बढी कैदीको स्वास्थ्योपचारका लागि जिम्मेवार निकाय हो । केन्द्रीय कारागारमा रहेका कैदीहरुलाई मात्रै नभएर हाल ३० शय्यामा संचालित केन्द्रीय कारागार अस्पतालले सरकारी खर्चमा उपचार गर्नुपर्ने हरेक कैदीलाई सेवा प्रदान गर्ने गर्दछ ।
![](https://assets-cdn.ekantipur.com/uploads/source/ads/900-x-100-1-0282024055738.gif)