स्वास्थ्य अनुसन्धान परिषद्को सदस्य सचिवमा जोशी नियुक्त

आइतबार बसेको मन्त्रिपरिषदको बैठकले डा. जोशीलाई परिषद्को सदस्य सचिवमा नियुक्त गरेको हो ।

तत्कालीन सदस्य सचिव डा. प्रदिप ज्ञवालीको चार वर्षे कार्यकाल गत माघ २६ मा सकिएपछि परिषद्को सो पद रिक्त थियो ।

नवनियुक्त सदस्य सचिव जोशी हाडजोर्नी विषेशज्ञ हुन् । हाल कैलालीको गेटा अस्पतालको प्रमुखको रुपमा कार्यरत उनी नेपाल चिकित्सक संघका कोषाध्यक्षसमेत हुन् ।