थप ६९ जनामा कोरोना संक्रमण
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — नेपालमा पछिल्ला केही दिनमा कोरोना भाइरसको संक्रमण बढेको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ६९ जनामा कोरोना भाइरसको संक्रमण पुष्टि भएको छ ।
![](https://assets-cdn.ekantipur.com/uploads/source/ads/900x100-1172024092759.gif)
![थप ६९ जनामा कोरोना संक्रमण](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/corona-0582022011302-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
७७८ एन्टिजेन परीक्षण गर्दा ४४ जनामा र ४८८ पीसीआर परीक्षण गर्दा २५ जनामा संक्रमण पुष्टि भएको मन्त्रालयले जनाएको छ । उक्त विवरण गत ४ दिनमा प्राप्त भएको पनि स्वास्थ्य मन्त्रालयले जनाएको छ । अहिले मुलुकमा सक्रिय संक्रमितको संख्या ६६ रहेको मन्त्रालयले जनाएको छ ।
अहिलेसम्म नेपामलमा पीसीआरतर्फ १० लाख १ हजार २ सय ४८ र एन्टिजेनतर्फ १ लाख ५२ हजार २ सय ७७ जनामा कोरोना पुष्टि भएको छ । नेपालमा कोरोनबाट मृत्यु हुनेको संख्या १३ हजार २० रहेको छ ।
यसअघि चैत ८ गते नेपालमा शून्य संक्रमण रहेको थियो । त्यसको भोलिपल्ट १७ जना, चैत १० गते २ जना, चैत ११ मा ३ जना र चैत १२ मा १६ जनामा कोरोना पुष्टि भएको थियो ।
पछिल्लो समय छिमेकी मुलुक भारतमा समेत कोरोना संक्रमण बढिरहेको छ । भारतीय स्वास्थ्य मन्त्रालयका अनुसार आइतबार एकैदिन १ हजार ८ सय ९० जनामा कोरोना संक्रमण पुष्टि भएको थियो । भारतमा गत वर्षको अक्टोबर २८ पछि एकैदिन धेरैजनामा कोरोना पुष्टि भएको हो ।
![](https://assets-cdn.ekantipur.com/uploads/source/ads/900-x-100-0172024023126.gif)