करिब ८ महिनामा कोरोनाबाट शुक्रबार शून्य मृत्यु
काठमाडौँ — नेपालमा ७ महिना २४ दिनपछि पछिल्लो २४ घण्टामा कोरोना संक्रमित मृत्यु शून्यमा झरेको छ । स्वास्थ्य मन्त्रालयको पछिल्लो विवरण अनुसार पछिल्लो २४ घण्टाको अवधिमा कुनै पनि कोरोना संक्रमितको मृत्य भएको छैन ।
यसअघि गत चैत २७ गते नेपालमा कोरोना संक्रमितको संख्या शून्य रहेको स्वास्थ्य मन्त्रालयका सहप्रवक्ता समीर अधिकरीले जानकारी दिए । यस्तै गत जेठ ५ मा एकै दिन सबैभन्दा बढी २ सय ४६ जनाको मृत्यु भएको थियो ।
स्वास्थ्य मन्त्रालयको पछिल्लो विवरण अनुसार ११ हजार ५ सय ३५ जनाको कोरोना संक्रमणको कारण मृत्यु भएको छ । नेपालमा १० लाख जनसंख्यामा औसत मृत्यु ३ सय ८० जना रहेको छ ।
यससँगै पछिल्लो २४ घण्टामा नेपालमा २ सय ४६ जना संक्रमित थपिएका छन् । ७ हजार ८ सय ३६ जनाको नमूना परीक्षण गरिएकोमा हाल नेपालमा सक्रिय संक्रमितको संख्यामा ६ हजार ९ सय २१ रहेको छ ।
प्रकाशित : मंसिर १७, २०७८ १७:२४२४ घण्टामा थपिए २२३ कोरोना संक्रमित, ३४७ निको