२४ घण्टामा थपिए २२३ कोरोना संक्रमित, ३४७ निको- समाचार - कान्तिपुर समाचार
कान्तिपुर वेबसाईट
AdvertisementAdvertisement

२४ घण्टामा थपिए २२३ कोरोना संक्रमित, ३४७ निको

कान्तिपुर संवाददाता

काठमाडौँ — पछिल्लो २४ घण्टामा नेपालमा २२३ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयका अनुसार ६ हजार ४०० जनामा पीसीआर परीक्षण गर्दा २२३ जनामा संक्रमण देखिएको हो । १ हजार ४३६ जनामा एन्टिजेन परीक्षण गर्दा २३ जनामा संक्रमण देखिएको मन्त्रालयले शुक्रबार सार्वजनिक तथ्यांकमा उल्लेख छ । 

एन्टिजेन र पीसीआर गरी ७ हजार ३३६ परीक्षण गर्दा २४६ जनामा पोजिटिभ देखिएको छ । २४ घण्टामा ३४७ जना संक्रमणमुक्त भएका छन् ।

नेपालमा हालसम्म कोरोनाबाट ८ लाख २२ हजार १७२ जना संक्रमित भएका छन् । यस्तै, ८ लाख ३ हजार ७१६ जना संक्रमणमुक्त भएका छन् । नेपालमा कोरोना निको हुने दर ९७.७ प्रतिशत छ । हालसम्म संक्रमणबाट ११ हजार ५३५ जनाको मृत्यु भएको मन्त्रालयको तथ्यांकमा उल्लेख छ ।

हाल देशमा सक्रिय संक्रमितको संख्या ६ हजार ९२१ रहेको छ । यस्तै, ९८ जना क्वारेन्टाइनमा छन् । २४ घण्टामा १ लाख ७५ हजार ५६७ जनाले खोप लगाएका छन् ।


प्रकाशित : मंसिर १७, २०७८ १६:०८
प्रतिक्रिया
पठाउनुहोस्

कांग्रेस सुदूरपश्चिम : निर्वाचनका लागि उम्मेदवारी दर्ता सुरु

चित्रांग थापा

धनगढी — पूर्वनिर्धारित निर्वाचन कार्यतालिकामा ३ घण्टा ढिलो गरी नेपाली कांग्रेस सुदूरपश्चिम प्रदेश समितिको निर्वाचन प्रक्रिया सुरु भएको छ ।

शुक्रबार बिहान ८ बजेदेखि ११ बजेसम्म उममेदवारहरूको मनोनयन पत्र दर्ताको पूर्वनिर्धारित समयमा हेरफेर गरी दिउँसो २ बजेदेखि उम्मेदवारी दर्ता प्रक्रिया सुरु भएको हो ।

प्रदेश अधिवेशन आयोजक समितिको प्रचारप्रसार उपसमितिका संयोजक नृप सुनारका अनुसार परिवर्तित कार्यतालिका अनुसार शुक्रबार दिउँसो ४ बजेसम्म उम्मेदवारी दर्ताको समय निर्वाचन समितिले तोकिएको हो ।

प्रचारप्रसार उपसमितिका संयोजक सुनारका अनुसार शुक्रबार दिउँसोसम्म सभापति पदमा संस्थापन पक्षबाट वीरबहादुर बलायर र संस्थापन इतर पक्षबाट नारायण दत्त मिश्रले उम्मेदवारी दर्ता गराएका छन् ।

यस्तै उपसभापतिमा गोपाल गुरुङ र मानबहादुर रावल तथा महामन्त्री पदका लागि नर नारायण शाह, प्रताप गुरधामी र रामबहादुर शाहीले उम्मेदवारी दर्ता गराएको संयोजक सुनारले बताए । विभिन्न पदाधिकारी तथा सदस्यहरूका लागि मनोनयन प्रक्रिया जारी छ ।

प्रकाशित : मंसिर १७, २०७८ १६:०२
पूरा पढ्नुहोस्
प्रतिक्रिया
पठाउनुहोस्
×