भाइरल गीतलाई चीनले लगायो प्रतिबन्ध- मनोरञ्जन - कान्तिपुर समाचार
कान्तिपुर वेबसाईट
AdvertisementAdvertisement

भाइरल गीतलाई चीनले लगायो प्रतिबन्ध

एजेन्सी

बेइजिङ — मलेसियन गीतकार तथा गायक नामेवीले सार्वजनिक गरेपछि भाइरल बनेको एउटा नयाँ गीतलाई चीनमा प्रतिबन्ध लगाइएको छ । चिनियाँ 'लिटल पिंक्स' अर्थात् इन्टरनेटमा चीन सरकारको अन्ध समर्थन गर्ने युवा राष्ट्रवादीहरूमाथि उक्त गीतले व्यंग्य गरेका कारण प्रतिबन्ध लगाएको बताइएको छ ।

गीतको लिरिक्समा समेटिएका 'पुन शिक्षा शिविर', 'कटन', 'अविभाज्य सम्बन्ध' जस्ता शब्दले सिन्जियाङदेखि ताइवानसम्मका सार्वभौमिकताका संवेदनशील मुद्दालाई गीतले उठाएको छ । उक्त गीतको भिडियो चीनमा प्रतिबन्धित भए पनि ताइवान, हङकङ, मलेसिया र सिंगापुरमा भने भाइरल बनेको छ ।

'फ्रेजाइल' नामको उक्त गीत नामवी उपनामबाट चर्चित वी मेङ ची तथा अष्ट्रेलियन गायिका केम्बर्ली चेनले तयार पारेका हुन् । जुन गीत गत अक्टोबर १५ मा नै सार्वजनिक भएको थियो । केही दिनमै युट्यूबमा गीतको भिडियो डेढ करोडले अवलोकन गरेपछि चीनले यसप्रति चासो देखाएको हो ।

गीतले चिनियाँ राष्ट्रवादीसँगै कम्युनिस्ट पार्टीमाथि समेत व्यंग्य गरेको छ । यस गीतका गायक तथा र्‍यापर नामवीले उक्त गीतमाथि चीन सरकारले प्रतिबन्ध लगाइरहँदा उक्त गीत सुन्न चाहने अरु जनताहरूमाथि पनि प्रतिबन्ध लगाएको अर्थ लाग्ने प्रतिक्रिया दिएका छन् ।

प्रकाशित : मंसिर ७, २०७८ १८:३४
प्रतिक्रिया
पठाउनुहोस्

मैले उठ्ने-नउठ्ने अहिलेसम्म कुनै निर्णय गरेको छैन : ओली

कान्तिपुर संवाददाता

काठमाडौँ — नेकपा (एमाले)का अध्यक्ष केपी शर्मा ओलीले १० औं महाधिवेशनमा उम्मेदवार बन्ने कि नबन्ने भन्ने निर्णय गरिनसकेको बताएका छन् । काठमाडौंमा मंगलबार आयोजित पत्रकार सम्मेलनमा अध्यक्ष ओलीले भने, 'मैले उठ्ने, नउठ्ने अहिलेसम्म कुनै निर्णय गरेको छैन ।'

अध्यक्षमा उम्मेदवारी घोषणा गरेर उपाध्यक्ष भीमबहादुर रावलले आफूप्रति सम्मान, माया र स्नेह देखाएको पनि ओलीको भनाइ थियो । 'रावलजीले मलाई चुनौती दिनुभएको छैन । मप्रति उहाँले आदर, सम्मान, माया र स्नेह देखाउनुभएको छ । बढी खट्नुहुन्छ थकाइ लाग्ने हो कि भनेर त्यसो भए म उठ्छु भन्नुभएको हो,' उनले भने, 'उहाँले कुनै चुनौती भन्नुभएको छैन । सुझाव दिनुभएको छ । उहाँको स्नेहहपूर्ण सुझावबाट म प्रभावित छु । यो एकखालका मान्छेहरूले मन पराउने सुझाव पनि छ । मैले अध्यक्ष नउठेर बसिदिए हुन्थ्यो भन्ने बाहिरकाको पनि सुझाव छ ।'आफूले कसैलाई पनि सहमतिमा बस्न नभन्ने ओलीको भनाइ थियो । उनले कोही आफूविरुद्ध उम्मेदवार बने पनि नउठ्न भनेर दबाब नदिने बताए । उनले भने, 'मैले उठ्ने निधो गरें मलाई छोड्न नि पाउँछ, चुनौती दिन पनि पाइन्छ । कसैले चुनौती दिएमा स्वागत गर्छु । लोकतन्त्रमा चुनौती स्वाभाविक कुरा हो स्वाभाविक रूपमा लिनुपर्छ ।'

आफूविरुद्ध कोही नउठे हुन्थ्यो भन्ने नलागेको ‌ओलीले बताए । उनले कसैलाई पनि सामान्य रूपमा पनि दबाब नदिने भन्दै करकाप र दबाब कसैलाई नदिने उनको भनाइ थियो । 'सामान्य रूपमा पनि दबाब दिने मनसाय छैन । कसैलाई दबाब हुने खालको व्यवहार अभिव्यक्ति मैले उठ्ने नउठ्ने अहिलेसम्म कुनै निर्णय गरेको छैन । उठ्ने भए भने अरुलाई नउठ्न भन्दैन,' उनले भने ।

उनले पदाधिकारीमा सहमति गर्नका लागि आग्रह पनि नगर्ने बताएका छन् । 'मेरो आग्रहले पनि दबाब पुग्ने भएकाले सहमतिका लागि पनि आग्रह गर्दिनँ,' ओलीले भने, 'साथीहरु बिना करकाप सहमति गर्नुभयो भने राम्रो हो ।'

प्रकाशित : मंसिर ७, २०७८ १८:०८
पूरा पढ्नुहोस्
प्रतिक्रिया
पठाउनुहोस्
×