मिस नेपाल-२०२२ का प्रतिस्पर्धीलाई स्यास वितरण - मनोरञ्जन - कान्तिपुर समाचार
कान्तिपुर वेबसाईट
AdvertisementAdvertisement

मिस नेपाल-२०२२ का प्रतिस्पर्धीलाई स्यास वितरण 

कान्तिपुर संवाददाता

काठमाडौँ — मिस नेपाल २०२२ का शीर्ष २४ प्रतिस्पर्धी घाेषणा गर्दै आयोजक 'द हिडन ट्रेजर'ले 'स्यास' वितरण गरेको छ । कार्यक्रममा प्रतिस्पर्धीले कन्टेस्टेन्ट नम्बर पनि रोजेका छन् । 

एक हप्ताको ग्रुमिङबाट आकृति शाह, आस्रुति सुवेदी, आयुस्नाेभा ढुंगाना, ऐश्वर्य शाही ठकुरी, अनुश्का पौडेल, अनुसूर्य डाँगी, अस्मिता ढुंगाना,अस्रा श्रेष्ठ, दिलाशा डोटेल, गंगा गुरुङ, ह्रतुल पौडेल, ममता ढकाल, मानसी चन्द, मेरिका बास्कोटा, न्यान्सी खड्का, प्रियंका रानी जाेशी, रोज कँडेल, सरिसा श्रेष्ठ, स्मारिका शर्मा, साफिया श्रेष्ठ, श्रृया गजुरेल, श्रीयान्सु पिया, सुस्मिता बोगटी, यशस्वी श्रेष्ठले अन्तिम २४ काे यात्रा तय गर्न सफल भएका हुन् ।

आइतबार राजधानीमा आयोजित कार्यक्रममा मिस नेपाल नम्रता श्रेष्ठ, मिस अर्थ सुप्रिया श्रेष्ठ, मिस नेपाल सुप्रा नेशनल सिमल कनौजिया, मिस नेपाल इन्टरनेशनल सन्ध्या शर्माले प्रतिस्पर्धाीहरुलाई स्यास वितरण गरेका हुन् ।

आउँदो असार ४ गते मिस नेपालकाे अन्तिम प्रतिस्पर्धा हुने जनाइएकाे छ ।

प्रकाशित : जेष्ठ १५, २०७९ १८:४२
प्रतिक्रिया
पठाउनुहोस्

न्यून आय हुने श्रमिकलाई खाद्य सुरक्षाको परिचयपत्र दिइने

कान्तिपुर संवाददाता

काठमाडौँ — सरकारले न्यून आय भएका श्रमिक र विपन्न परिवारलाई सहुलियत दरमा खाद्य उपलब्ध गराउन खाद्य सुरक्षाको परिचयपत्र प्रदान गर्ने घोषणा गरेको छ ।

आगामी आर्थिक वर्ष २०७९/०८० को बजेट प्रस्तुत गर्दै अर्थमन्त्री जनार्दन शर्माले न्यून आय भएका श्रमिक र गरिब परिवारको पहिचान गरी उनीहरुको लागि खाद्य सुरक्षाको परिचयपत्रको व्यवस्था गरिने बताए ।

‘हरेक स्थानीय तहमा सुपथ पसल सञ्चालन गरी सो परिचयपत्रको आधारमा खाद्य सामागी सहुलियत दरमा उपलब्ध गराउने व्यवस्था गरिनेछ,’ अर्थमन्त्री शर्माले भने ।

आर्थिक वर्ष २०७८/०७९ को फागुन मसान्तसम्म १५ जिल्लाका एक सय ८३ स्थानीय तहमा ११ लाख ५० तथ्याङ्क प्रशोधनको काम भइरहेको छ । यसबाट सम्बन्धित जिल्लामा गरिब पहिचान गरिने बताइएको छ । अघिल्लो आर्थिक वर्षमा २३ जिल्लाका २१४ स्थानीय तहको तथ्याङ्क पहिचान गरी दुई लाख २७ हजार गरिब पहिचान गरिएको थियो ।

प्रकाशित : जेष्ठ १५, २०७९ १८:४०
पूरा पढ्नुहोस्
प्रतिक्रिया
पठाउनुहोस्
x
×