'गेम अफ थ्रोन्स' शताब्दिकै उत्कृष्ट १०० सिरिजमा- मनोरञ्जन - कान्तिपुर समाचार
कान्तिपुर वेबसाईट
AdvertisementAdvertisement

'गेम अफ थ्रोन्स' शताब्दिकै उत्कृष्ट १०० सिरिजमा

एजेन्सी

काठमाडौँ — विश्वचर्चित सिरिज 'गेम अफ थ्रोन्स' बीबीसीको शताब्दिकै उत्कृष्ट १०० टिभी सिरिजको सूचीमा परेको छ । 'फ्लिब्याग', 'द क्राउन', 'स्ट्रेन्जर थिङस' जस्ता चर्चित सिरिजसँगै गेम अफ थ्रोन्स पनि २१औं शताब्दिकै उत्कृष्ट सिरिजको सूचीमा परेको हो ।


बीबीसी कल्चरले गरेको सर्वेक्षणका आधारमा तयार पारिएका १०० सिरिजको सूचीमा गेम अफ थ्रोन्स पाचौँ नम्बरमा छ । ४३ देशका २०६ फिल्म क्रिटिक तथा विज्ञहरुबीच गरिएको मत सर्वेक्षणाका आधारमा उक्त सूची तयार पारिएको हो ।

यसै वर्षको डिसेम्बरमा प्रशारण गरिने तयारी भएको उक्त सिरिज वहुप्रतिक्षित मानिएको छ । अमेरिकी च्यानल 'एचबीओ' र बेलायती 'स्काइ एटलान्टिक'बाट प्रशारण हुने सिरिजको ट्रिजर भने सार्वजनिक भइसकेको छ ।

'जीओटी'को प्रिक्वेलको रुपमा जर्ज आरआर मार्टिनको उपन्यास 'फायर एन्ड ब्लड' को २०० वर्ष पुरानो रहस्यमय कथामा आधारित 'हाउस अफ ड्रागन'लाई प्रशारण गरिनेछ ।

यसका लागि ओलिभिया कूक, म्याट स्मिथ, सोनोया मिजुनो र स्टेभ टौसेन्ट मुख्य अभिनयमा हुनेछन् । कोरोना महामारीका कारण बन्द भएको विश्वचर्चित सिरिज फेरि प्रशारण हुनुअघि यसका दर्शकहरु उत्साही बनेको निर्माण टोलीले जनाएको छ । निर्माण टोलीका अनुसार हाल हाउस अफ ड्रागनको छायांकन सुरु भएको एचबीओले जनाएको छ। साथै यसका अभिनेताहरुबारे पनि जानकारी दिइएको छ ।

प्रकाशित : कार्तिक ६, २०७८ २०:५७
प्रतिक्रिया
पठाउनुहोस्

एमालेका ६ हजारभन्दा बढी वडा अधिवेशन सम्पन्न

कान्तिपुर संवाददाता

काठमाडौँ — नेकपा (एमाले)को ६ हजारभन्दा बढी वडा कमिटीको अधिवेशन सम्पन्न भएको छ । केन्द्रीय कार्यालय सचिव शेरबहादुर तामाङले मुलुकभरका ६ हजारभन्दा बढी वडा कमिटीको अधिवेशन सम्पन्न भएको रिपोर्ट आएको जानकारी दिएका छन् ।

नेकपा ( एमाले) बुटवल उपमहानगर कमिटी वडा नम्बर १३ को कार्यसमिति । शनिबार सम्पन्न अधिवेशनले झबिन्द्र थापाको अध्यक्षतामा ४१ सदस्यीय समिति सर्वसम्मत चयन गरेको छ । तस्वीर : निरा गौतम/रासस

अध्यक्ष केपी शर्मा ओलीले भर्चुअल माध्यमबाट मुलुकभरका वडा अधिवेशनको उद्घाटन गरेका थिए । करिब १ बजे सकिएको उद्घाटन समारोहपछि देशभर निर्विरोध रूपमा वडा कमिटी चयन भएका तामाङले बताए ।

'शनिबार साँझसम्म ६ हजारभन्दा बढी वडा कमिटीको अधिवेशन सम्पन्न भएको रिपोर्ट केन्द्रीय कार्यालयमा आएको छ,' तामाङले भने, 'सुदूरपश्चिम र पूर्वी पहाडको पाँचथरलगायतका केही वर्षा र पहिरोले प्रभावित र केही डुबानमा परेका जिल्लामा भने अधिवेशन हुन सकेको छैन ।' अधिवेशन हुन नसकेका वडाहरूलाई कार्तिक १५ गतेभित्र सम्पन्न गरिसक्न भनिएको पनि तामाङले बताए ।

नेतृत्व चयन भने सर्वसम्मत रूपमा भएको उनले बताए । 'हामीकहाँ आएको रिपोर्टअनुसार वडा कमिटीको नेतृत्व चयनका लागि निर्वाचन र विवाद भएको कुनै रेकर्ड छैन । सबै ठाउँमा सर्वसम्मत नेतृत्व चयन भएको छ,' उनले भने ।

एमालेको वडा एक अध्यक्ष, एक उपाध्यक्ष, एक सचिव र दुई उपसचिवसहित ३१ जना निर्वाचित भएका हुन् । प्रत्येक कमिटीमा ३३ प्रतिशत महिला अनिवार्य गरिएको छ । देशभरि छ हजार ७४३ वडा रहेका छन् । कुन वडा कमिटीमा को-को चयन भएका हुन् भन्ने सबै तथ्यांक आइतबारसम्म केन्द्रीय कार्यालयमा आउने एमालेले जानकारी दिएको छ ।

केन्द्रीय कार्यालय सचिव तामाङले पार्टीमा देखिएको विवाद वडा अधिवेशनमा नपरेको बताए । उनले उत्साहका साथ कार्यकर्ताहरू अधिवेशनमा सहभागी भएको र एकढिक्का भएर नेतृत्व चयन गरिएको पनि जानकारी दिए । 'सर्वसम्मत नेतृत्व चयन भएको छ । संगठनात्मक संरचना एकीकरणका नाममा भत्काएका थियौं, अब लयमा ल्याएका छौं,' उनले भने, 'पार्टीमा रहेको भनिएको विवादको केही पनि प्रभाव रहेको भन्ने देखिएन । नेता-नेता माथि वेमेल गरिरहेको देखिन्छ तल कार्यकर्तामा त्यस्तो देखिएन ।'

एमालेको पालिका अधिवेशन कात्तिक ९ गतेका लागि तय गरिएको छ । पार्टी महाधिवेशन भने मंगिर १० देखि १२ गतेसम्म चितवनमा तय गरिएको छ ।

प्रकाशित : कार्तिक ६, २०७८ २०:४०
पूरा पढ्नुहोस्
प्रतिक्रिया
पठाउनुहोस्
×