फिल्मफेयर अवार्ड मनोनयनमा 'लुडो' र 'थप्पड'को वर्चस्व- मनोरञ्जन - कान्तिपुर समाचार
कान्तिपुर वेबसाईट
AdvertisementAdvertisement

फिल्मफेयर अवार्ड मनोनयनमा 'लुडो' र 'थप्पड'को वर्चस्व

कान्तिपुर संवाददाता

बलिउड फिल्म 'लुडो' र 'थप्पड' फिल्मफेयर अवार्ड २०२१ को मनोनयनमा अगाडि देखिएका छन् । लुडो ८ र थप्पड ७ विधामा मनोनित भएका छन् ।

उत्कृष्ट फिल्ममा तानाजी, लुडो, थप्पड, गुञ्जन सक्सेना र गुलाबो सिताबो परेका छन् । उत्कृष्ट निर्देशकमा ओम राउत (तानाजी), अनुराग वसु (लुडो), अनुभव सिन्हा (थप्पड), सुजीत सरकार (गुलाबो सिताबो) र शरन शर्मा (गुञ्जन सक्सेना) मनोनित छन् ।

उत्कृष्ट अभिनेतामा तानाजीका लागि अजय देवगन, लुडोका लागि राजकुमार राव, गुलाबो सिताबोका लागि अमिताभ बच्चन, शुभमंगल ज्यादा सावधानका लागि आयुश्मान खुराना, अंग्रेजी मिडियमका लागि इरफान र दिल बेचाराका लागि शुसान्त सिंह राजपुत मनोनित छन् । यस्तै अभिनेत्रीमा छपाकका लागि दीपिका पादुकोण, गुञ्जन सक्सेनाका लागि जाहन्वी कपुर, पंगाका लागि कंगना रनावत, सकुन्तला देवीका लागि विद्या वालान र थप्पडका लागि तापसी पनु मनोनित छन् ।

प्रकाशित : चैत्र १३, २०७७ १६:१५
प्रतिक्रिया
पठाउनुहोस्

खनाल–नेपाल समूहले एमालेमै रहेर संघर्ष गर्ने

कान्तिपुर संवाददाता

काठमाडौँ — नेकपा (एमाले) को खनाल–नेपाल समूह पार्टीभित्रै संघर्ष गर्ने निष्कर्षमा पुगेको छ । शुक्रबार कलंकीस्थित एक पार्टी प्यालेसमा भएको केन्द्रीय कमिटी बैठकले पार्टीभित्रै रहेर संघर्ष गर्ने निर्णय गरेको नेता रघुजी पन्तले जानकारी दिए ।

फाइल तस्बिर : बिजु महर्जन/कान्तिपुर

‘पार्टीलाई बलियो बनाउन, विधि पद्धतिअनुसार चलाउन र पार्टीलाई गतिशील बनाउन पार्टीभित्रै रहेर संघर्ष गर्ने नीतिअनुसार संसदीय दलको बैठकमा भाग लिएर आफ्ना कुरा राख्ने भन्नु भयो,’ पन्तले भने ।

केन्द्रीय कमिटी बैठकपछि नै प्रधानमन्त्री केपी शर्मा ओलीले बोलाएको दलको बैठकमा सहभागी हुने निर्णय गरेको हो । बालुवाटारमा जारी दलको बैठकमा यो समूहबाट नेता माधवकुमार नेपाल र उपाध्यक्ष भीम रावलबाहेक सबै सांसद सहभागी छन् ।

स्थायी कमिटी सदस्य सुरेन्द्र पाण्डेले सर्वोच्च अदालतले ०७५ जेठ २ मा फर्काएको हुँदा पार्टी त्यहीबाट सुरु हुनुपर्छ भनेर केन्द्रीय कमिटीका सदस्यहरुले बैठकको माग गर्ने निर्णय गरेको बताए ।

प्रकाशित : चैत्र १३, २०७७ १५:५३
पूरा पढ्नुहोस्
प्रतिक्रिया
पठाउनुहोस्
×