बेलायती राजाबाट श्रेष्ठलाई ‘ओबीई’ पदक
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
लन्डन — बेलायतका रहेका नेपाली मूलका एक अभियन्ता महन्त श्रेष्ठले बेलायती राजाबाट प्रतिष्ठित ‘ओबीई’ पदक पाएका छन्।
![](https://assets-cdn.ekantipur.com/uploads/source/ads/900x100-1172024092759.gif)
![बेलायती राजाबाट श्रेष्ठलाई ‘ओबीई’ पदक](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/mahendra-shrestha-14112023111446-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
श्रेष्ठले ब्रिटिस समुदायमा पुर्याएको योगदानको कदर गर्दै राजा चार्ल्स तृतीयले उनलाई बकिङहम प्यालेसमा ओबीई (द मोस्ट एक्सीलेन्ट अर्डर अफ द ब्रिटिश एम्पायर) अवार्ड प्रदान गरेका हुन् । बेलायतमा राज्य स्तरबाट प्रदान गरिने उक्त प्रतिष्ठित अवार्ड यसअघि थोरै नेपालीले मात्र पाएका छन् ।
पदक थाप्ने क्रममा राजासँग करिब तीन मिनेट समय पाएका श्रेष्ठले रानीका साथ फेरि नेपाल घुम्न आउन निमन्त्रणा गरेको बताए । राजाले सोप्रति धन्यवाद व्यक्त गर्दै नेपालमा हालै गएको भूकम्पबारे चासो राखेका श्रेष्ठले बताए ।
नेपाली राष्ट्रिय पोशाकमा सजिएर पदक थाप्न गएका श्रेष्ठले यो सम्मान समस्त नेपालीको भएको बताए ।
बकिङहम प्यालेसमा श्रेष्ठ दम्पत्ति र सफल व्यवसायी तथा सामाजिक अभियन्ता रविन्द्रजंग लामिछाने पनि उपस्थित थिए । ‘महन्त दाईले यो प्रतिष्ठित पदक पाउनु नेपाल र नेपालीकै गर्वको कुरा हो’, लामिछानेले भने, ‘उहाँ हामी सबैको अभिभावक र प्रेरणास्रोत पनि हो ।’
सन् १९७६ मार्च १० का दिन वर्क परमिट लिएर लन्डन उत्रिएका श्रेष्ठ एनआरएनए यूकेका संस्थापक अध्यक्ष एवम् नेपाल पर्यटन बोर्डका मानार्थ प्रतिनिधि पनि हुन् । उनको लण्डन इलिङमा ८० को दशकमा खुलेको ‘मन्टिज रेस्टुरेन्ट’ ब्रिटिशमाझ निकै चर्चित छ भने उनले पर्यटकीय क्षेत्र ठमेलमा केही वर्षअघि तारे होटल ‘एम’ सञ्चालनमा ल्याएका छन् ।
![](https://assets-cdn.ekantipur.com/uploads/source/ads/900-x-100-0172024023126.gif)