अमेरिकामा नेपाली खेल, ५९ टिमबाट झन्डै हजार खेलाडी सहभागी
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
न्यूयोर्क — अमेरिकामा बस्ने नेपाली समुदायबीच बृहत् प्रतिस्पर्धात्मक फुटबल तथा भलिबल खेल न्यूयोर्कको रचेष्टर सहरमा असोज ६ गतेदेखि सुरु भएको छ ।
![](https://assets-cdn.ekantipur.com/uploads/source/ads/900x100-1172024092759.gif)
![अमेरिकामा नेपाली खेल, ५९ टिमबाट झन्डै हजार खेलाडी सहभागी](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/3813524262526387477561416628586150952715868n-2492023083754-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
अमेरिकाको छिमेकी मुलुक क्यानडाबाट समेत केही टिम सहभागी भएको अमेरिका बस्ने नेपालीभाषीहरुको खेलको महाकुम्भमा भलिबलतर्फ पुरुषका २४ टिम सहभागी छन् भने फुटबलमा युवाहरुतर्फ १६ र ३५ वर्षमाथिका भेट्रानतर्फ ८ टिम गरी २४ टिम नै सहभागी छन् । महिलातर्फ भलिबलमा ८ वटा टिम प्रतिस्पर्धामा छन् भने फुटबलमा ३ वटा टिम मैदानमा छन् ।
इन्ट्रा नेसनल वेलफेयर एन्ड सपोर्ट फाउन्डेसन अफ अमेरिकाको आयोजनामा सुरु भएको तेस्रो इन्ट्रा कप फुटबल तथ भलिबल खेलको उद्घाटन फाउन्डेसनका अध्यक्ष डिल्ली अधिकारीले गरे । दुई रियालिटी शोहरु मेरो डान्स युनिभर्स र मेरो भ्वाइस युनिभर्स गत महिनामात्र नेपालमा समापन गरेको फाउन्डेसनले अमेरिकाबासी नेपाली खेलप्रेमीहरुका लागि बृहत् खेलकुदको आयोजना गरेको हो ।
आयोजक समितिका निर्देशक अरुण गुरुङले दिएको जानकारीअनुसार कोच र टिम म्यानेजरसहित लगभग हजार खेलाडी सामेल छन् । फाउन्डेसनले युवातर्फको फुटबल विजेतालाई १५ हजार अमेरिकी डलर, दोस्रो हुनेलाई १० हजार र तेस्रो हुनेलाई ६ हजार डलर पुरस्कारको व्यवस्था गरेको छ । भलिबलमा पुरुष विजेताले १० हजार, दोस्रोलाई ६ हजार र तेस्रोलाई ४ हजार अमेरिकी डलर पुरस्कारको व्यवस्था गरेको छ । भेट्रानतर्फ फुटबल विजेतालाई १० हजार, दोस्रोलाई ६ हजार र तेस्रो हुनेलाई ३ हजार पुरस्कारको व्यवस्था गरिएको छ ।
![](https://assets-cdn.ekantipur.com/uploads/source/ads/900-x-100-0172024023126.gif)