दिल्लीमा तिज
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
नयाँदिल्ली — दिल्लीमा रहेका प्रवासी नेपालीहरूले तिजकf अवसरमा विभिन्न स्थानमा सांस्कृतिक कार्यक्रमहरूको आयोजना गरेका छन । हाम्रो स्वाभिमान ट्रस्ट हरिद्वारले दिल्लीको इन्दिरा गान्धी इन्डोर स्टेडियम, आईटीओमा आयोजना गरेको कार्यक्रममा हजारौंको संख्यामा प्रवासी नेपालीहरूको उपस्थिति रहेको थियो ।
![](https://assets-cdn.ekantipur.com/uploads/source/ads/900x100-1172024092759.gif)
![दिल्लीमा तिज](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/miscellaneous/teeh-delhi-1-1892023030427-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
योगगुरू रामदेव र आचार्य बालकृष्णको उपस्थिति रहेको यस कार्यक्रममा नेपाली भाषा, साहित्य, कलालगायतका क्षेत्रमा योगदान गरेकाहरूलाई सम्मानित पनि गरिएको थियो। प्राध्यापक महेन्द्र पी लामा, कलाकार विपना थापासहित दर्जनौं व्यक्तिलाई सम्मान गरिएको थियो । नेपाल र भारतका गायक र कलाकार विभिन्न प्रस्तुति दिएका थिए।
आयोजक हाम्रो स्वाभिमान ट्रस्टले नेपाली संस्कृति, परंपरा एवं भाषाप्रति सम्मान बढाउन तथा यसलाई वैश्विक स्तरमा प्रसार गर्न तिज महोत्सवको हरेक वर्ष आयोजना गर्दै आएको जनाएको छ ।
दिल्लीको तालकटोरा स्टेडियममा पनि नेपालीहरूको अर्को संस्था स्वाभिमान ट्रस्टले कार्यक्रमको आयोजना गरेको छ । त्यस्तै, अखिल भारत नेपाल एकता मञ्चले पनि सांस्कृतिक कार्यक्रम सहित तिज महोत्सव सोमबार मनाएको छ ।
![](https://assets-cdn.ekantipur.com/uploads/source/ads/900-x-100-0172024023126.gif)