कान्तिपुर वेबसाईट
AdvertisementAdvertisement
१८.१२°C काठमाडौं
काठमाडौंमा वायुको गुणस्तर: १९६

झापाका पदक विजेता सम्मानित

बिर्तामोड — नवौं राष्ट्रिय खेलकुदमा पदक विजेता झापाका खेलाडी तथा प्रशिक्षकलाई बिहीबार जिल्ला खेलकुद विकास समितिले नगदसहित सम्मान गरेको छ ।

उक्त प्रतियोगितामा झापाबाट सहभागीमध्ये १६ खेलाडीले २ स्वर्ण, ९ रजत र ८ कांस्य पदक जितेका थिए । भद्रपुरस्थित मेची रंगशालामा समितिले स्वर्ण विजेता बक्सिङकी तृषा जबेगु र आईटीएफ तेक्वान्दोका रोशन मगरलाई जनही १० हजारसहित सम्मानपत्र प्रदान गर्‍यो ।

रजत विजेता बृद्धिचालकी कृतिसरा अधिकारी, पौडीका प्रारम्भ भण्डारी, आर्चरीकी योगिता काम्बाङ र स्मृति उप्रेती, बक्सिङका अभिनय राई र सुस्मिता राई तथा सेपाकताक्रोका सुशील विश्वकर्मा छन् । उनीहरूले जनही ५ हजार पाए ।

कांस्य विजेता बुद्धिचालका राजन सुवेदी र खुश्बु थापा, कुस्तीका विशाल बुढाथोकी र रेणुका राजवंशी तथा जुडोका निश्चल राई, मंगलु मेचे र प्रेम गुरुङ छन् । उनीहरूलाई जनही ३ हजार प्रदान गरियो । जिल्लाबाट १ सय ४३ खेलाडीले ८ खेलमा पदक जितेका थिए । २४ छनोट खेल खेलेको कार्यालय प्रमुख विष्णु नेम्बाङले जानकारी दिए । कार्यक्रममा पदक जिताउन सफल बक्सिङका प्रशिक्षक डम्बरबहादुर लिम्बू र आईटीएफ तेक्वान्दोका प्रशिक्षक नवीन तामाङ, समितिका निवर्तमान अध्यक्ष शंकर थापा, कार्यालयका अवकाशप्राप्त प्रमुख टहलदास मैनाली र लेखापाल देवी न्यौपानेलाई समेत सम्मान गरियो ।

प्रकाशित : पुस २२, २०७९ ०७:२४
प्रतिक्रिया
पठाउनुहोस्
जनताको राय

चालु वर्षको ९ महिनामा वार्षिक लक्ष्यको ३२.२४ प्रतिशत मात्र विकास खर्च हुनुको अर्थ के हो ?