बजेटमार्फत अनुत्पादक क्षेत्रमा खर्च कटौती गरिनेछ : अर्थमन्त्री
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — अर्थमन्त्री प्रकाशशरण महतले आगामी आर्थिक वर्ष २०८०/८१ को बजेटमा अनुत्पादक क्षेत्रमा खर्च कटौती गरिने बताएका छन् । प्रतिनिधिसभामा आइतबार बिनियोजन विधेयकका प्राथमिकता र सिद्धान्त प्रस्तुत गर्दै महतले आगामी बजेट रोजगारी सिर्जना गर्ने, सुशासन तथा सेवा प्रवाह सुधारमा केन्द्रित रहने बताए ।
![](https://assets-cdn.ekantipur.com/uploads/source/ads/900x100-0762024075620.gif)
![बजेटमार्फत अनुत्पादक क्षेत्रमा खर्च कटौती गरिनेछ : अर्थमन्त्री](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/mahat-0752023014128-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
मुलुकको अर्थतन्त्र र बजेट प्रणालीमा केही समस्या रहेको उनले औंल्याए । ‘लक्ष्यअनुसार राजस्व परिचालन हुन सकेको छैन । साधारण खर्च बढ्दै गएको छ । वित्त सन्तुलनमा चाप परेको छ’ उनले भने ‘उत्पादन, ब्यापार, निर्माण क्षेत्रमा आएको सुस्तताले आर्थिक वृद्धि न्यून हुने देखिएको छ ।’ सार्वजनिक ऋणको दायित्व बढ्दो रहेको र पुँजीगत खर्च न्यून हुँदा खर्चको प्रभावकारिता बढ्न नसकेको महतले बताए ।
बढ्दो ब्याजदर, बढ्दो ब्यापार घाटा, बैंकिङ क्षेत्रमा बढ्दो खराब कर्जाको जोखिमजस्ता चुनौती अर्थतन्त्रमा विद्यमान रहेको भन्दै उनले आगामी बजेटमार्फत समस्या समाधान गरिने दाबी गरे । अनुत्पादक क्षेत्रमा खर्च कटौती गरी निजी क्षेत्रको मनोबल वृद्धि गर्ने खालको बजेट ल्याइने उनको भनाइ छ । ‘उत्पादनमूखी अर्थतन्त्रको आधार निर्माण गर्न बजेट केन्द्रित हुनेछ । वित्त नीति र मौद्रिक नीतिबीच तादम्यता कायम गरिनेछ’ महतले भने । वित्त घाटालाई वाञ्छित सीमाभित्र राखिने र निर्यात प्रवर्द्धन गर्ने तथा रोजगारीमा जोड दिइने उनले बताए । स्टार्टअपलाई प्रोत्साहन, औद्योगिक उत्पादनमा जोड दिइने, स्वदेशी र विदेशी लगानी बढाउन आवश्यक नीतिगत सुधार गर्ने, कृषि तथा जलविद्युतमा तत्कालै लाभ मिल्ने आयोजनालाई प्राथमिकता दिने उनले बताए ।
पूर्णपाठ-
प्रकाशित : वैशाख २४, २०८० १७:२७