मौरिटानियामा पानीजहाज दुर्घटना : २५ को मृत्यु, १९० भन्दा बढी बेपत्ता
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — अफ्रिकी मुलुक मौरिटानियामा पानीजहाज दुर्घटना हुँदा कम्तीमा २५ जनाको मृत्यु भएको छ । अन्तर्राष्ट्रिय सञ्चार माध्यमहरूका अनुसार राजधानी नौआकचोटनजिकै पानीजहाज दुर्घटनामा परेको हो । मौरिटानिया न्युज एजेन्सीका अनुसार अहिले पनि केही मानिसहरू हराइरहेका छन् ।
![](https://assets-cdn.ekantipur.com/uploads/source/ads/comp-900x100-1672024010950.gif)
अन्तर्राष्ट्रिय आप्रवासन संगठन(आईओएम) का अनुसार पानीजहाजमा रहेका १९० भन्दा बढी मानिस हराइरहेका छन् । मौरिटानियाको कोस्टगार्डले १०३ जनाको उद्धार गरेको बीबीसीले जनाएको छ । त्यस्तै २५ जनाको शव भेटिएको पनि कोस्टगार्डले जानकारी दिएको छ ।
आईओएमका अनुसार २२ जुलाईमा जहाज पल्टिनुअघि गाम्बियाबाट एउटा काठको नाउमा झन्डै ३ सय मानिस सवार थिए । पल्टिनुअघि उनीहरूले ७ दिन समुद्रमै बिताइसकेका थिए ।
![](https://assets-cdn.ekantipur.com/uploads/source/ads/900-x-100-1-0282024055738.gif)
प्रतिक्रिया