कंगोमा दादुराले ५ हजारको मृत्यु
कंगो — कंगोमा दादुराको महामारी फैलिएको छ । महामारीबाट यो वर्ष करिब ५ हजार व्यक्तिको मृत्यु भएको छ । यसै अवधिमा करिब २ लाख ५० हजार व्यक्ति यसै रोगबाट संक्रमित छन् ।
कंगोमा दादुरा निकै नै द्रुतगतिमा फैलिइरहेको र यो सबैभन्दा छिटो फैलिने महामारी भएको पनि विश्व स्वास्थ्य संगठन (डब्ल्यूएचओ) ले जनाएको छ ।
कंगोमा इबोलाका कारण विगत १५ महिनामा ज्यान गुमाउनेभन्दा दुई गुणा बढी व्यक्ति दादुराका कारण ज्यान गुमाउन पुगेका छन् ।
कंगोमा इबोला भाइरसको प्रकोपबाट गएको वर्ष दिनमा कम्तीमा पनि २ हजार जनाको ज्यान गएको थियो ।
प्रतिक्रिया