सभापतिलाई बिदाइ गर्नुपर्छ : महामन्त्री कोइराला- समाचार - कान्तिपुर समाचार
कान्तिपुर वेबसाईट
AdvertisementAdvertisement

सभापतिलाई बिदाइ गर्नुपर्छ : महामन्त्री कोइराला

दीपक परियार

पोखरा — कांग्रेस महामन्त्री शशांक कोइरालाले सभापति शेरबहादुर देउवाको बिदाइ गर्नुपर्ने बेला आएको बताएका छन् ।
शुक्रबार पोखरामा कांग्रेस नेता शुक्रराज शर्माको पुस्तक ‘कांग्रेसमा संकल्पित ५२ वर्ष’ को चर्चा परिचर्चा कार्यक्रममा कोइरालाले कांग्रेसमा एकता कायम हुन आवश्यक रहेको बताए । 

कर्‍याङकुरुङ चराको कथा सुनाउँदै कोइरालाले भने, ‘कर्‍याङकुरुङ चरा एकताबद्ध भएर ‘भी’ आकारमा उड्दा हावाको वेग ७५ प्रतिशत कम हुन्छ । त्यसैले आफ्नो गन्तव्यमा पुग्छन् । सबैभन्दा अगाडिको हाँसमा सतप्रतिशत वेग आएको हुन्छ । हाँस जब थाक्छ उ पछाडि पंक्तिमा जान्छ र अर्कोलाई ठाँउ दिन्छ । नेपाली कांग्रेसमा पनि अब परिवर्तनको समय आएको छ । सभापति ज्यूलाई हामीले बिदाइ गर्नुपर्छ ।’


कांग्रेस एक भए सबै कम्युनिष्ट एक भएपनि हराउन नसक्ने कोइरालाले बताए । ‘जतिसुकै कम्युनिष्ट एक ठाउँ हुन्, हामी एकजुट भएमा कांग्रेसलाई कसैले हराउन सक्दैन,’ उनले भने, ‘कांग्रेसको विकल्प कांग्रेस नै हो ।’


महामन्त्री कोइरालाले आफूलाई पदको कुनै लोभलालच नभएको बताए । सरकारमा रहेकामा रहेको दुई तिहाइको दम्भका कारण कुनै सपना पूरा गर्न नसकेको कोइरालाको भनाइ छ ।

प्रकाशित : माघ ३, २०७६ १७:२६
प्रतिक्रिया
पठाउनुहोस्

आस्था राउतमाथि अभद्र व्यवहारमा मुद्दा चलाइने

कसुर पुष्टि भए १ वर्षसम्म कैद र १ लाख जरिवाना हुनसक्ने
मातृका दाहाल

काठमाडौँ — प्रहरीले गायिका आस्था राउतविरुद्ध अभद्र व्यवहारको कसुरमा मुद्दा चलाउने भएको छ । त्रिभुवन अन्तर्राष्ट्रिय विमानस्थलमा तैनाथ प्रहरी तैनाथ जवान रमिता श्रेष्ठमाथि अभद्र व्यवहार गरेको आरोप लागेकी राउतमाथि ‘गालीगलौज’ र ‘अभद्र व्यवहार कसुर’मा अनुसन्धान थालिएको हो ।

महानगरीय प्रहरी परिसर काठमाडौंले राउतमाथि अनुसन्धान सुरु गरेको हो । पीडित जवान श्रेष्ठले महानगरीय प्रहरी कार्यालय रानीपोखरीमा शुक्रबार राउतविरुद्ध उजुरी दिएकी थिइन् । बिहीबार प्रहरी प्रधान कार्यालयले विमानस्थलबाट राउत र प्रहरी जवानबीच भएको विवादको सीसीटिभी फुटेजसमेत झिकाएर कसुर गर्नेमाथि कारबाही गर्न महानगरीय प्रहरी कार्यालयलाई निर्देशन दिएको थियो ।

अभद्र व्यवहारसम्बन्धी प्रारम्भिक अनुसन्धानमा राउतकै गल्ती देखिएको एक अधिकारीले बताए । विमानस्थलमा सुरक्षा जाँचका क्रममा राउतले आफूलाई खानतलासी गरेको भन्दै प्रहरी जवानविरुद्व जाइलागेको सीसी टिभी फुटेजमा देखिन्छ । त्यस्तै महिला प्रहरीले उनलाई कफी लैजान दबाब दिएकी छन् । तर, आस्थाले बेवास्ता गर्दै हिड्न खाेजेकी छन् । उक्त विवादपछि राउतले फेसबुकबाट प्रहरीलाई गाली गर्दै आक्रोश पोखेकी थिइन् ।

अभद्र व्यवहारको मुद्दा स्थानीय प्रशासनबाट कारबाही हुन्छ । प्रहरीले जिल्ला प्रशासन कार्यालबाट म्याद थपेर घटनाको थप अनुसन्धान गर्न सक्छ । काठमाडौंका सहायक प्रमुख जिल्ला अधिकारी गौलोचन सैंजुले यो कसुर प्रमाणित भएमा प्रमुख जिल्ला अधिकारीले आरोपीविरुद्द ५ महिनादेखि एक वर्षसम्म कैद वा ५ सयदेखि १० हजारसम्म जरिवाना वा दुवै सजाय गराउन सक्ने बताए। गायिका राउतको विषय प्रशासनमा आइनसकेको पनि उनले बताए।

प्रकाशित : माघ ३, २०७६ १६:५९
पूरा पढ्नुहोस्
प्रतिक्रिया
पठाउनुहोस्
×