तपाईंको अंक ?

नेपालमा गत बुधबार शुभारम्भ गरिएको भ्रमण वर्षको विश्वभर प्रचारप्रसार गर्न विदेशस्थित ३२ वटा कूटनीतिक नियोगमा मंगलबार एकसाथ कार्यक्रमको थालनी हुँदैछ ।

प्रदेश सरकारले विराटनगरस्थित शहिद रंगशालामा हेलिकप्टरबाट पुष्पवृष्टि र हट बेलुन उडाएर भ्रमण वर्षको सुरुवात गरेको छ । सयौँको उपस्थितिमा भ्रमण वर्ष २०२० को उद्घाटन गरेका प्रदेश सरकारले यसका लागि कुनैपनि ठोस योजना सार्वजनिक गर्न सकेन । 

नेपाल भ्रमण वर्ष २०२० को पहिलो दिन रसुवागढी नाका हुँदै नेपाल भित्रिने चिनियाँ पर्यटकहरुलाई स्वागत गरिएको छ । बुधबार बिहान नेपाल र चीनको सिमाना मितेरी पुलमा उनीहरुलाई स्वागत गरिएको हो । नेपाल भ्रमण वर्ष २०२० जिल्ला स्तरीय सहजीकरण तथा समन्वय समिति रसुवा र गोसाइँकुण्ड गाउँपालिका र टिमुरेका स्थानीयले नेपाल भ्रमणमा आएका पर्यटकहरुलाई रसुवागढीमा स्वागत गरेका थिए । उनीहरुलाई माला, खादा र मायाको चिनो दिएर स्वागत गरिएको थियो । तातोपानी नाका बन्द भएपछि २०७२ मंसिर देखि चिनियाँ पर्यटकले यो नाका प्रयोग गर्दै आएका छन् । चीन सरकारले २०७४ भदौमा रसुवागढीलाई अन्तर्राष्ट्रिय नाका घोषणा गरेपछि तेस्रो मुलुकका पर्यटक पनि आउन थालेका छन् ।

प्रदेश नं ५ ले पर्यटन भ्रमण वर्ष २०२० को शुभारम्भ बाँकेबाट सुरु गरेको छ । मुख्यमन्त्री शंकर पोख्रेलले मंगलबार राति १२ बजे नेपालगन्जस्थित सिद्धार्थ होटलमा पर्यटन भ्रमण वर्ष २०२० को व्यानर खोलेर शुभारम्भ गरेका गरेका हुन् । 

नेपाल भ्रमण वर्ष २०२० को पहिलो दिन ताप्लेजुङ आएका विदेशी पर्यटकलाई सम्मान गरिएको छ ।  संस्कृति पर्यटन तथा नागरिक उड्डयन मन्त्री योगेश भट्टराईको जिल्लामा आएका विदेशीलाई खोजीखोजी सम्मान गरिएको थियो ।

आगामी सन् २०२० लाई सरकारले नेपाल भ्रमण वर्ष घोषणागरेसँगै यस अवधिमा २० लाख पर्यटक भित्र्याउने लक्ष्य छ । प्रदेश ५ सरकारले पनि लुम्बिनी भ्रमण वर्ष, २०७६ घोषणा गरेको छ ।