श्रीलंकाको राष्ट्रपतीय निर्वाचनमा महिन्दा राजापाक्षेका भाइ गोताबाया विजयी

एजेन्सी

कोलम्बो — श्रीलंकामा भएको राष्ट्रपतीय निर्वाचनमा पूर्व राष्ट्रपति महिन्दा राजापाक्षेका भाइ तथा पूर्व रक्षा सचिव गोताबाया राजापाक्षे विजयी भएका छन् । सत्तारुढ दलको उम्मेद्वारलाई पराजित गर्दै सिन्हाली बौद्धमार्गी राजापाक्षे विजयी भएका हुन् ।

श्रीलंकामा सिन्हाली बौद्धमार्गीको वर्चश्व रहेको छ भने तामिल र मुसलमानहरु अल्पसंख्यकका रुपमा रहेका छन् ।

श्रीलंकाका मन्त्री सजिथ प्रेमादासाले एक विज्ञप्ती जारी गर्दै जनताको निर्णयलाई आफूहरुले कदर गर्ने बताएका छन् । गृहयुद्धका बेला रक्षामन्त्रालयमा सचिवको जिम्मेवारी सम्हालेका राजापाक्षेका प्रवक्ता केहिलिया रामबुङ्कवेलाले यो जनताको जित भएको बताएका छन् । उनी विजयी भएको खबर बाहिर आएसँगै राजापाक्षेको घर अगाडि समर्थकहरुको ठूलो भिड जम्मा भएको छ ।

राजापाक्षेले निर्वाचित हुनका लागि आवश्यक पर्ने ५० प्रतिशतभन्दा बढी मत प्राप्त गरिसकेको बताइएको छ । श्रीलंकाको निर्वाचन आयोगका अनुसार शनिबार भएको मतदानमा कुल ८० प्रतिशत मत खसेको थियो ।

प्रकाशित : मंसिर १, २०७६ १३:०५
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

श्रीलंकामा राष्ट्रपतीय चुनावः राजापाक्ष–प्रेमदासा टक्कर

एजेन्सी

कोलम्बो — श्रीलंकामा सयौं मानिसको मृत्यु हुने गरी भएको आतंकवादी हमलाको ७ महिनापछि नयाँ राष्ट्रपति चयनका लागि चुनाव भएको छ । श्रीलंकाको दशकौं लामो गृहयुद्ध सन् २००९ मा अन्त्य भएपछिको यो तेस्रो निर्वाचन हो । शनिबार सम्पन्न चुनावमा राष्ट्रपतिका प्रत्याशीका रूपमा ३५ उम्मेदवारले प्रतिस्पर्धा गरेका छन् ।

सबै उम्मेदवारको नाम समेट्नुपरेकाले मतपत्र दुईपटक पट्याउनुपर्ने रहेको थियो । वर्तमान राष्ट्रपति मैत्रीपाला सिरिसेनाले चने चुनावी प्रतिस्पर्धामा भाग लिएका छैनन् । इशाईहरूको चाड ‘इस्टर’ का बेला श्रीलंकामा भएको आक्रमणमा कम्तीमा २५० जनाभन्दा बढीको ज्यान गएको थियो । घटनापछि निकै आलोचित बनेका राष्ट्रपति सिरिसेनाप्रति मानिस क्रुद्ध भएका थिए । यो चुनावमा उम्मेदवारी नदिनुमा उक्त कारण प्रमुख ठानिएको छ ।
श्रीलंकाका गिर्जाघर र होटलमा इस्लामिक स्टेट (आईएस) समूहले गराएका शृंखलाबद्ध विस्फोटमा कम्तीमा २५३ जनाको मृत्यु भएको अधिकारीहरूले बताएका थिए ।

घटनामा आफ्ना गुप्तचर निकाय कमजोर सावित भएका सरकारले स्वीकार गरेको थियो । भारतका गुप्तचर निकायबाट हमलाका योजनाबारे सूचना आएका भए पनि श्रीलंकाली अधिकारीले गम्भीर रूपमा नलिएको रक्षामन्त्रीले बताएका थिए ।श्रीलंकामा हाल राष्ट्रिय सुरक्षाको मुद्दा सबैभन्दा बढी चर्चामाछ । त्यसका साथै अल्पसंख्यक समुदायका मुद्दा र बेरोजगारीका विषयमा समेत मतदाताले उत्तिकै चासो दिएका छन् ।

एक चरणमा हुने निर्वाचनमा मतदाताले आफ्नो प्राथमिकताअनुसार बढीमा तीन जनालाई भोट हाल्न पाउँछन् । तर, कुनै पनि उम्मेदवारले ५० प्रतिशतभन्दा बढी मत नल्याएको खण्डमा भने शीर्ष स्थानका दुई उम्मेदवारमध्येबाट मतदाताले दोस्रो प्राथमिकतामा हालेको मतको आधारमा विजेता छानिन्छ । कुनै एक उम्मेदवारले ५० प्रतिशत मत ल्याएको खण्डमा चुनावी नतिजा आइतबार आउने बताइएको छ ।

बलियो को ?
चुनावी प्रतिस्पर्धामा दुई जना उम्मेदवारबीच कडा टक्कर रहेको जनाइएको छ । तीमध्ये एक गोटाभया राजापाक्षमाथि आफ्ना दाइको शासनकालमा रक्षामन्त्री हुँदा मानव अधिकार हनन् गरेको आरोप छ ।महिन्दा राजापाक्षको राष्ट्रपतिकालमा एक दशक रक्षामन्त्री बनेका गोटाभयामाथि हजारौं मानिस बेपत्ता पारेको आरोप लाग्ने गरेको छ ।

तर, गृहयुद्ध अन्त्य गर्नमा आफ्नो योगदान रहेको उनको दाबी छ । इस्टर हमलापछि भने उनको आत्मबल उच्च रहेको बताइन्छ । सुरक्षा मामिलामा कडा अडान राख्दै आएका गोटाभयाले सिंहाली बौद्ध समुदायको समर्थन जुटाएका छन् ।राजापाक्षले श्रीलंकालाई सबैभन्दा बढी आर्थिक सहयोग गर्ने चीनसँग सम्बन्ध सुधार गर्ने कुरासमेत प्रमुखताका साथ उठाएका छन् । तर, कतिपयले चीनसँगकोऋण बढिरहेकाले उनको आलोचना गरेका छन् ।

त्यसैगरी, चुनावी प्रतिस्पर्धामा अगाडि देखिएका सजिथ प्रेमदासाले चुनावमा आफू विजयी भए तमिल टाइगर्सलाई पराजित गर्ने सेनाप्रमुख शरथ फोन्सेकालाई राष्ट्रिय सुरक्षा प्रमुख बनाउने वाचा मतदातासँग गरेका छन् ।त्यसका साथै प्रेमदासाले गरिबी निवारण र गुणस्तरीय आवास योजना अघि सारेका छन् । राजापाक्षको विपरीत प्रेमादसाले भारत र अमेरिकासँग थप सम्बन्ध विस्तार गरिनुपर्ने बताउँदै आएका छन् । उनी सन् १९९३ मा तमिल टाइगर्सबाट मारिएका तत्कालीन राष्ट्रपति रनासिंघे प्रेमादासाका
छोरा हुन् ।
किन उठेनन् सिरिसेना ?
चुनावमा वर्तमान राष्ट्रपति मैथ्रीपाला सिरिसेनाले सन् २०१५ मा भएको चुनावमा महिन्दा राजापाक्षलाई अप्रत्याशित रूपमा हराएका थिए । तर, उनले कुनै खास कारण नदेखाई वर्तमान चुनावमा उम्मेदवारी दिएनन् । श्रीलंकालीमाझ उनको लोकप्रियता क्रमशः घटिरहेको छ । इस्टर घटनामा गुप्तचर संयन्त्रका सूचना बेवास्ता गरेका कारण उनी अलोकप्रिय भएका जनाइएको छ । त्यसका साथै उनले प्रधानमन्त्रीलाई पदबाट हटाएपछि श्रीलंकामा संवैधानिक संकट उत्पन्न हुनुका साथै सत्ता संर्घष चर्केको थियो ।

प्रकाशित : मंसिर १, २०७६ ०९:२१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×