पृथ्वीनारायणकालीन ‘बर्दबाणी’ बाजाको पुनर्जन्म

‘धादिङमा रहेका मेरा मितहजुरबा कान्टे दमाईले गोरखामा बर्दबाणी रहेकोबारे जानकारी दिएका थिए । गोरखा दरबारको पूर्वपट्टि हनुमानथानमा बज्रभैरवको मुर्ति रहेको र बज्रको अपभ्रंशमा बर्दबाणी नामकरण भएको जानकारी पाएको थिएँ,’संग्रहालयका प्रबन्धक रामप्रसाद कँडेल भन्छन्,‘बर्द भनेको चट्याङको आवाज रहेछ जुन लडाइँका लाममा लागिपर्दा सबैभन्दा अग्रपंक्तिमा रहेर बजाइने रहेछ । शत्रुलाई बाजाबाटै भयभित गराउने बर्दबाणी लोप भइसकेको अवस्थामा सोध–अनुसन्धानबाट यसलाई जीवन दिएका छौं ।’