पुनको आविष्कार केन्द्रलाई विद्यार्थीको सहयोग

कान्तिपुर संवाददाता

काठमाडौँ — महाविर पुनको राष्ट्रिय आविष्कार केन्द्रलाई विद्यार्थीले चन्दा उठाएर सहयोग गरेका छन् । चाबहिलस्थित एपेक्स लाइफ स्कुलमा कक्षा १ देखि १० सम्म पढ्दै गरेका विद्यार्थीले मंगलबार १ लाख १ हजार १ सय ५ रुपैयाँ रकम हस्तान्तरण गरेका हुन् ।

ZenTravel

विद्यालयका कार्यकारी निर्देशक सुवास न्यौपानेको टोलीले कीर्तिपुरस्थित आविस र केन्द्रमा पुगेर हस्तान्तरण गरेका हुन् ।‘युवा वैज्ञानिकहरुको प्रवर्द्धन गर्छु मलाई न्यूनतम् ब्याजमा ऋण देऊ भनेर पुनको माग रहेको छ,’ कार्यकारी निर्देशक न्यौपानेले भने, ‘हामी नागरिकले पनि सुनेर मात्र होइन प्रत्यक्ष सहयोग गर्नुपर्छ भनेर जुटेका हौं ।’

Meroghar

विद्यालयमा अध्ययनरत ४ सय २ विद्यार्थीबाट ५५ हजार उठेको र त्यसमा विद्यालयले थप गरी आविष्कार केन्द्रलाई सहयोग गरेको हो ।

प्रकाशित : पुस १५, २०७६ १५:५३
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

उखु किसानको आन्दोलनमा कांग्रेसकाे समर्थन

कान्तिपुर संवाददाता

काठमाडौँ — प्रतिपक्षी कांग्रेसले उखु बिक्री गरेबापत चिनी उद्योगबाट लामो सयमसम्म रकम भुक्तानी नपाएपछि काठमाडौं आएर आन्दाेलन गरिरहेका किसानकाे मागमा समर्थन जनाएकाे छ । 

कांग्रेस संसदीय दलले उखु किसानले आफ्नो उत्पादन बिक्रीको भुक्तानीका लागि काठमाडौंसम्म आएर आन्दोलन गर्नुपर्ने बाध्यता सिर्जना हुनु लज्जास्पद भन्दै आन्दाेलनमा समर्थन गर्ने बताएको छ।

प्रमुख सचेतक बालकृष्ण खाणद्वारा जारी विज्ञप्तिमा किसानले उठाएका मागप्रति दलको पूर्ण समर्थन रहेको उल्लेख छ।

‘उखु बेचेको भुक्तानी उपलब्ध गराउने विषयमा पटक–पटक सरकारी निकायको रोहबरमा किसान र उद्योगीबीच भएको सहमति कार्यान्वयन नहुनु दुःखद छ। आफ्नो उत्पादन बिक्रीको भुक्तानी पाउन काठमाडौंसम्म आएर आन्दोलन गर्नुपर्ने बाध्यता सिर्जना भएको छ,’ विज्ञप्तिमा भनिएको छ, ‘आन्दोलनमा उठाइएका मागप्रति नेपाली कांग्रेस संसदीय दलको पूर्ण समर्थन छ। लामो समयदेखि ध्यानाकर्षण गराउँदा सरकार उदासिन हुनु, लज्जास्पद विषय हो। किसानका माग तत्काल सम्बोधन गर्न सरकारले विशेष पहल गरी तथा आवश्यक प्रकृया अगाडि बढाओस् भन्ने माग कांग्रेस संसदीय दल गर्दछ।’

उखु बेचेबापतको भुक्तानी नपाएपछि अहिले किसानहरु काठमाडौंको माइतिघरमा आन्दोलन गरिरहेका छन्।

प्रकाशित : पुस १५, २०७६ १५:४९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
×